[أنا الغالية]

غريب ياصباح
غريب امرك غريب حالك
محيرنى ف احوالك
ساعات بالفل بتجينى
وساعات بالمر تالمنى
وساعات بالحضن بتاخدنى
وساعات ف نارى ترمينى
وساعات كتيرة تضحكنى

وساعات اكتر تبكينى

صباح بالندى مغسول
ملون عقد نورو زهور
كلامو وغناه معسول
بيداوى قلبنا المكسور
جميل ياصبح
ياشايل حلمنا افراح
ياشايل وردتى ف ايدك
يا شاغل عيدى من عيدك
وبحكيلك تغنيلى
وحافظ كل مواويلى
يانور عينى
ياشايل منى كل جراح
صباح الفل ياحلا صباح