|
صحيح (حلوة ) بس ما فيني غرور..
صحيح (حلـــوه) بس مافيني غرور ..فيني جــــراءه حاضنتهـــا طفولــــه 
احب صمت الليل واشعاعة النور ..وافـــرح بزخات المطـر وبهطولـــــه
واحب اجننهم تفاكيـر وصـدور ..واحب اكون الصعـــب محــدٍ ينولــــه
العب على الدنيا ولا اتقن الـدور..افشــل واحــاول لين حزت البطولـــه
بساطتي ماهي بعيبٍ ولا قصـور ..ومــاهمــــني من قــال عنـي خجـولـه
صحيح ماني شيخة الزين والحور ..اللـــي تهــز الكــون عرضـه وطولـــه
بس انا عندي قلب لو عاش مقهور..يضحـــك لو ان الجـــرح يركي حمولــه
وسطه عنادٍ يكره الظلـم ويثـور ..علــــى عقــــول الظالميـــن الجهـــولـــه
وبداخله تلقـى معانـاة ومـرور ..واســرار محكومـــه بصولــه وجولـــه
صحيح في عمري مطبات وحدور ..ومـــــاكـــــــل شـي ناصلـــــه بسهولـــه
هذا ( انا ) طبعي كذا وانت مشكور ..ولكـــل شخـــصٍ ياغناتـــــي ميــولـــــه ..
ممـــا راق لــــــي..
__________________
اللهم إني أشتاق لرؤياك ..ولكني ما زلتُ أعصاك
..فطهرني قبل أن ألقآك ..♥
|