[جرناس]

رحبت بك مليون ياعلي الساس
عدالمياه في البحور الغزيره
شيخن معانيه غدت معدن الماس
منوةنساء الكون تنجب نضيره
تستاهل التتويج تاج على الراس
شيخ المعاني والعلوم السريره
حشيم عن تبع الدنايا والأدناس
نفسك على وثب المعالي حبيره
رباه يلي تملك العزم والباس
في كل محفل له علايم وسيره
ابن عرمان يلي من رفيعين الأجناس
الحر يلي له فعول كبيره
يلي على صعب المهمات قد داس
وطوع ليال الوقت لوهي عسيره
حر على الهامات ظاري وجرناس
كفه على صيد الظواري سطيره
ماحط للمدات عد ومقياس
راعي الشبور مكملات القصيره
الجود طبعه من اعاليه للساس
من مدته صاب الكرامات غيره
هذي مثايل بينات بقرطاس
أمثال جيل ساقها جد من نخيره