[حازم صيموعة]

أول شي بحب أشكر كل الأصدقاء اللي علقو على الموضوع .....
وأكيد عرمان وتاريخها مش بحاجة لشهادة حدا لأنو اللي صار فيها أكبر من الأشخااص اللي رح يشهدو فيها....
بس من واجبنا كأبناء لهالبلد نعطيها ولو جزء من حقا علينا وما ننسى تاريخها .....


هون حبيت علق على رد اقتصادي اللي هو :

المشاركة الأصلية كتبت بواسطة اقتصادي

بتشكرك حازم على الموضوع الرائع والجميل
وهيك المواضيع يابلا
وحياك
وذكرتني
انو كتر خيرو الي كاتب المقال
بس انو مع احترامي الى اهل صلخد
هوني اخر ناس انتخوا والولد الي عمرو 10 سنوات بعرمان بيعرف كم مرسال وقصيدة ابراهيم الجرمقاني لقبلان بتشهد
فما في داعي قصص صالح عرابي عن صلخد بالخراب تحكمنا يعني مانقص غير يقول اهل عرمان مالون علاقة وميثا سبب الحرب جوزا من
صلخد واجت انتخت باهل عرمان
والي بدو يحكي عن النخوات يحكي عن اهل ملح بالخراب ونجدتون لاهل عرمان ربع شهاب ربع الكرامة والشهامة
وبتشكرك موضوع قيم

أول شي شكرا الك اقتصادي للمرور على الموضوع ....
ثاني شي كنت بتمنى لو كانت طريقة طرحك لملاحظتك غير هيك ...
على الأقل لتتناسب مع طريقة عرض الموضوع واللي بتوقع ما في حدا بينكر انو فيها كثير من الموضوعية ....
على كل حال .....
وبما انك انت فتحت الموضوع ....
أكيد الكل بيعرف قصة معركة الخراب وموقف أهل صلخد فيها ....
وأكيد قصيدة المرسال للمرحوم محمود صيموعة (مرسالي جد طلابة ....) أكبر دليل على هالشي .....
وقصة طحيمر السيقلي لما طلع ينخي أهل صلخد (لابتي ما ودها ذلة .....) أكيد معروفة ومشهورة....

بس بتوقع انك ما بتخالفني الرأي انو لما بدك تعمل دراسة لازم يكون عندك قدرة انك تكسب الكل لصفك .....
ولما بدك تقول عن شخص انو قصر بتاريخه لازم توصل الفكرة بطريقة ما تزعج الرأي العام ....
وهون بتوقع انو مجرد لفت النظر لموضوع قصيدة المرسال وقصة طحيمر بتكفي لتوصل فكرة انو كان في تقصير من قبل أهل صلخد بتلبية طلب أهل عرمان .....

وكاتب الموضوع عمره أكثر من عشر سنين وأكيد بيعرف القصة وبيعرف التفاصيل ....
وميثا الأطرش بنت عرمان بس كانت زوجة المرحوم محمد الأطرش من صلخد واحتمت بأهل عرمان وراحت على بيت أبوها وهذي وقائع تاريخية معروفة من قبل الكل ....

وأكيد أهل ملح وأهل قيصما كان الن دور كبير بالمعركة وأكيد الكل بيعرف هالشي ....
وطالما انو الموضوع عن عرمان فما في داعي تحكي غير التفاصيل اللي بتهم عرمان ....
ومن هون اجا ذكر صلخد للتذكير بموضوع المرسال والقصيدة .....
يعني هذا ما فيه انتقاص لحق أهل ملح ولنخوتن ....

بتشكرك مرة ثانية اقتصادي وبتمنى تكون الفكرة وصلت وععذرا من الجميع على الإطالة ولكن كان لا بد من التوضيح .....
تحياتي للجميع .....orman wbs