[حاتم العطواني]

يعني موضوع جميل النقاش فيه اخت غادة ولكن خليني قلك انو كمان مش لازم يصير في مبالغة بالموضوع

من ناحية واحد يتخلى عن مبادئه او مواقفه او اهدافة منشان كلام الناس

او انو يكون متردد في ارائه خوفا من كلام الناس أو .... أو .... والحديث يطول

الناس اللي بتحكي بتنبسط لما تلاقي لحكيها نتيجة ,, لانو هي مش مجرد هواي عندن هي طبيعة فيهن يعني ما بيقدرو يغيروها ...
انا ما برد على كلام الناس بالمرة ,, ومعروف اللي براسي بعملو ما بهكل هم حدا هلق ممكن تسموه تهور او تسرع ,,
ولكن انا سيد قراري ومواقفي ومبادئي ,,

وما بنكر انو هالامر صار عقبة عند كثير من الناس متل مثلا :

واحد رسب ابنو بالمدرسة بيعصب عليه بيو ,,, شو بدنا تحكي علينا الناااااااس

طيب تحكي الناس لينبع قلبا ,, انت مش زعلان لانو ابنك رسب زعلان لانو الناس رح تقول ليك ابن فلان رسب .....

يعني مجتمعنا فيه الكثير من الثغرات اللي عبتسرب الجهل لعنا الجهل الاجتماعي وطريقة التعايش السلمية والبناءة .. مافي وحدة رأي .. ما في تكاتف اجتماعي .. ما في خوف على المصحلة العامة
حتى لو على نطاق قرية او مدينة كل هي الامور عبتسبب ارتباك بالعلاقات الاجتماعية و بالتالي عدم قدرة على التعايش

عذرا على الاطالة ولكن الموضوع شيق ولازم نعطيه حقو

يعطيكي العافي اخت غادة ,, والتوفيق للجميع