|
ياأبو العنا
ياأبو العنا
- ياأبو العنا قلبي تعداك الهنـــــــــا
وماعادلك بين الربع غير العنا ياأبو العنــــــــا
- ماعاد لك بين الربع غير الألـــــــم
مع السلامة ياعمر كل شي انهــــــــــــــدم
نوبات أضم الصور وأبكي نــــــــدم
نوبات أسأل ربنا ليش الضنا ياأبو العنـــــــــــا
- ماعادلك بين الحزن غير الصــــــور
صورة رسمها الموت لونها القـــــــــــــــــــدر
لصرخ بعالي الصوت ياهيه يابشــــر
وحيد عمري صار لعمري ضنا ياأبو العنــــــــا
- وينك يانور العين مش هذا الأمـــل
آهين يادموع حياتك بالعجــــــــــــــــــــــــــل
واتخيلك مابين أصحابك واهــــــــل
دموع ملياني ندم بدرب عنا ياأبو العنــــــــــا
- صاح القدر لبيت رحت مارجعــــــت
نديت يالي ولصوتي مااسمعــــــــــــــــــــت
وبحين نعشك شال عركابي وقعت
محزون عالزهر الي نقطف وانجانـــــــــــــــا
- محزون مسلوب الحشا علي رحـل
عايلي ودع دارنا وزار الأجــــــــــــــــــــــــــــل
مالا طعم الحياة من دون الأمــــــل
ياأملي خلي القدر لعهدنا ياأبو العنـــــــــــــا
- راح الحبيب وغاب شو باقي إلـــي
الله معو ياروح غيبي وارحلــــــــــــــــــــــــي
طيري على دار المنايا عجلــــــي
دار المنايا هاهي دار المنايا ياأبو العنــــــــــا
- عاغرفتك محزون أدخل بالهنــــــــا
واصواتكم بمسمعي رد الصــــــــــــــــــــــــدا
واصيحلك ملهوف ويرد الصــــــــدى
مافي حدا مافي حدا ياذلنا ياأبو العنــــــــا
- وتقلي أركان البيت ناضم للعبــــــــر
ياخيب ضنك ماإنت حاسب للسفــــــــــــــر
وتجول عيني عالصور كل الصــــــور
ومن الصغر صورة فيها إنت وأنا ياأبو العنـــــا
- وبين الصور صورة إلك عند المســـا
نظرة شرود بعيد ملياني أســـــــــــــــــــــى
وبسمة حنوني كثير مابتعرف قسا
من بعدكم يحرم يبين سننا ياأبو العنــــــــــا
- خذني معك عالدرب لودعـــــــــــك
ياريت عالسفر أشرتلي معـــــــــــــــــــــــك
لهشل عادرب المآسي واتبعــــــك
شربان كاس الضيم كاسك يادنيا ياأبو العنـا
- ماعاد واساني البكا وكثر الدمـــــع
كم دمعة نادت عاغاليها ومارجـــــــــــــــــــع
قلبي طلع من بين مادالي طلــــع
خذتوا وماخدوا ارتاح يوم ياأبو العنــــــــــــــــا
- هيك انبنى هالكون آمال وخطـــــر
غدار يازمان خوان القـــــــــــــــــــــــــــــــــدر
مالي على حكم القدر لولا أمــــــر
إنتوا رحلتوا اليوم والجاي أنا ياأبو العنـــــــــا
|