سلطان السلاطين
بقلم - يحيى عامر
سلطان غاب وعن الفكر ما غاب --- وصوت سيفو دوم عم نسمعو
يا ابن الكرامه والعز طاب --- بكيت العدى وعيونوهم دمعوا
حررت الارض من جيش رهاب --- خليت العدى تحت منك يركعوا
صنت الارض والعرض ما نصاب --- بسيف الحق ماضي مبضعو
وبني معروف من شيخ وشاب --- حماة الزمان اصلو ومرجعو
وبنت الافاضل تهجم عل حراب --- وبايدها سيف الشرف ترفعو
والخيل حوافرها تحرث بالطراب --- وتدوس الفرنسي تا فكو تخلعو
وسلطان يجول بساحات لحراب --- يشيل راس الغاصب من موضعو
والبيارق ترفرف فوق لسحاب --- وبنات العز ع السطوح تجمعوا
وتسمع صوت زغاريت لحباب --- والسيف يرقص عا مسمعو
والفارس ابن معروف سبع غاب --- وقت المعركه للفرنسي لوعو
ما يهاب الموت ولا يعمل حساب --- ولاممكن مره يترك موقعو
صامد مثل الصوان صخر صلاب --- وغير ايمانو بالله ما معو
شيب راس العدى وما شاب --- وبجحيم النار وقدو وولعو
ولحتى حديد المدافع ذاب --- وسكر بلفة شيخ مدفعو
وابن الجبل الطفل ما هاب --- ولا دمعو نزل من مدمعو
والكهال صاروا مثل ذياب --- لبوا الطلب لولا ندعوا
والشيخ صار مثل شاب --- ابن عشرين باول مطلعو
والختياره كشرت عن نياب --- للحم الاجنبي بدها تمزعو
ذوقوا الفرنسي طعم العذاب --- لحتى ترك جبلنا وودعو
هيك سلطان الاطرش حرر طراب --- سوريا الوطن والجبل رجعو
سلطان حرر سوريا والعز جاب --- وشفى عليل الجرح من موجعو
وترجع الاسد عل عرش ناب --- وبين العرب راسو يرفعو
يرحم طرابك يا سلطان العرب --- انت تاج العرب عروسهن بيوضعوا