من ربوع هلنا يا حلو بطـيب الخـبر - منتدى قرية عرمان السويداء جبل العرب الأشم

Ghada Saymoua · 11-18-2009, 12:45 PM

من ربوع هلنا يا حلو بطـيب الخـبر
ياما حلا صوت الحـدا بجـنابها
ياما حلا السيف الصقيل اللي انشهر
يطلب حـقـوق الماضيات حسابها
ياما حلا جـولة بطل عـقـب السفـر
وبرجـعـتو صفحة فخر جلابها
نواف ياللي من عـرق طيب انحدر
منبت نشاما وصلها من دابها
ما نرتضي بالظيم لو ظام القدر
المعـمعة حـنّا صعاد جهابها
نرخـص الروح الغالية بيوم الكدر
يوم الموازر حاميات رهابها
عاداتنا وهذي لنا دون البشر
كيد الطغاة نردها لرقابها
نسقي العـدا سم الأفاعي والخطر
من جالنا كان العـدو طلابها
حـمر البيارق حـولها طيب النفـر
واستنفروا وصوت النخا جـذابها
واحـنا بنا يا قـيس وسلالة مضر
والذل ماخـيم عـلينا طنابها
ياعـيال عمي ياهلي بدو و حضر
يالابسي ياللي الحرايب دابها
العـدو يرقـب يرتي نظرة غـدر
يخـسى العـدو احـنا حماة ترابها
سلطان فـينا والعجي لحق اللثر
حـول و ليوث ضاريات نيابها
صوتو اعـتلا معـبد غـتم نور انتشر
هذين قوم يعـزونا بالمجابهة
والذل واتفرشوا روس الظهر
وظهورها والعـز لز ركابها
شلع ومنع وذل حال اللي ما حضر
ضبع القـويرص صربته هلابها
تسمع نخاوي لابسي رعـد انشطر
حـس المجاوز يطربك لعابها
بنت العـفن لاترتجي منها ذكر
اضواه شرد حسن البذر ماجابها
من رادنا بالذل خاب ولا حزر
عـز الدخـيل بلادنا واحـنا بها
سلطان خـصمك من قـفل بحر اندثر
رجع البطل صفحة شرف كسابها
وين الخـون وين الطغى يلقو العـبر
مافكروا بجـيش الترك وطوابها
مافكروا بغـملان والزحـف اندحر
المرقعـين عـبيهم شيابها
سلطان ربعـك جـمعهم بحر انهدر
قـدحة شرر تغـني الفـنا بحرابها
جـدد النخى هيا على المزرعة
وعـيد الكفر صربة ملح بتشوفهم وشهابها

فادي 001 · 11-18-2009, 09:29 PM

تسلم ايدك غادة ما اجمل هذه القصايد وما اروع ما كتبت من اجله

دامت روس النشاما مرفوعة برجالها وخوات رجالها

لا تتأخري بالاضافة الجديدة

دمت بود اخت غادة مع فائق الاحترام شكرا

Ghada Saymoua · 11-19-2009, 06:00 AM

يا جبل ما يهزك ريح
فيك خلقنا وكبرنا
متل الصخر الما بيزيح
حامي موطنّا
من قوة صخرك قوتنا
من وقفة عزّك وقفتنا
على متنك رافع رايتنا
عزمك ناصرنا
على حبك نحنا ربينا
صار ترابك منا وفينا
وسلطان سيفو بيحمينا
الله كرّمنا
يا جبل الريان العالي
ياللي جبينك بالعلالي
على أرضك ما بيغلى غالي
أرواحنا ودمنا
شكرا سامر لمرورك الكريم

Ghada Saymoua · 11-19-2009, 06:04 AM

يديرة هلي...شب المجد بحضانها...
وحليت مواسمها وعلي بنيانها...
وقفاتها عز..ومضافاتها
قيم نبل و شهامي...والكرم عنوانها...
وشهامي ليوثها يوم اللزم..
يحموا حماها لو قصف رعد و رزم..
حمر البيارق.. عانقت.. بيض العمم..
ومطرزي بدم الشهادي لوانها...
دم الشهيد يساير دروبها..
عطر رباها..شمالها و جنوبها..
من شعابها..
بارض اللجا..و جرودها..
لارض الهويا.. للرحى لمتانها..

ارضها منيعة..وسياجها..حد الضبا..
ياما بدم الطامعين مخضبا..
وسيف العروبة بيمنها..ما نبا..
يا وارث المجدات عن قحطان..
يا وارث الطولات يا ام الفدا...
ما يوم هانت ارضكي بوجه العدا..
معشوقة الريان.. يطربها الحدا..
ويوم السلم حب و وفا فنجانها..

فنجانها حب و وفا ينضح..
بطيب ورودها....
ولمع السنابل مع بريق برودها
وتفاحها يغار..من حلي عنقودها..
ويحكوا حكايا عن مضي الفرسان..

ويحكوا سوالف عن مواضي عهودها..
ابن الرشيد و خنجر من شهودها..
وسالم دخيلها...من يخش حدودها..
ولو تطلبوا انس البسيطة و جان..

هاي السويدا..معززي بصحابها..
لله دينها..و للوطن رضابها..
فرسانها بالدم يرووا ترابها..
وخطراتها برقة ورد نيسان..

خطراتها رقة وحلا...
ولطف ودلال..
لبوات يوم الحيف..
خيات الرجال..

ولي يطلب البرهان عن صدق القوال..
ينشد مغانيها .. حمى الريان..

ينشد مغانيها بيوتها مشرعة..
ويسال عن صحاب العبي المرقعة..
ينشد سنديان الكفر والمزرعة..

يومن هوت عصيدها عقبان..
يومن هوت هوي الجوارح عالحجل..
لا خوف يثنيها و لا تعرف وجل..
هذي صفات اليعربي ابن الجبل..
دار الكرامي بالجبل سلطانها..

شكرا فادي لمرورك الكريم

حاتم العطواني · 12-10-2009, 04:37 AM

جوفيات توقض فيا الحنين إلى الوطن

سلمت يداك اخت غادة وانشالله منجوف بأفراحكن

تقبلي مروري وتقديري

Ghada Saymoua · 12-30-2009, 06:44 AM

شكرا الك اخ حاتم وان شاء الله الافراح مابتفارق ديار الكل ونفرح فيكن شباب عرمان يلي منرفع الراس فيكن
احترامي لشخصك....