تعريف المغترب

[خالد الخماسي]

الليل من كثر الهواجيس طـالا

وانا سهرته والهواجيس كثـرن

من ضيقةٍ في خاطـري لاتـزالا

من غربتي وأكنها فالحشا كـن

يارب وانا أدعيك في كل حـالا

ريح قلوبٍ هزها الشوق وتحـن

حنت على قومٍ تسـوق الـدلالا

اللي تبهر بأفخم الهيـل والبـن

وتقصر دروبٍ في مداها طـوالا

وخطوطها وعره وسكانهاغـن

ويـارب ترزقنابـرزقٍ حــلالا

وانك لاتفتنا بمن كـان مفتـن

لأن الرجل لاصار فيـه اختـلالا

الله يعين اهله من يعوضهم من

والنشمي اللي من نشاما تـوالا

معدنه باقي والليالـي تبرهـن

ولاخير في كثر الحكي والمقـالا

الـدرب بيـن مايبالـه تمعـن

وأختم بذكـرالله جـل وتعالـى

سبحانه اللي خالق الانس والجن