24 ساعة في السويداء؟ - منتدى قرية عرمان السويداء جبل العرب الأشم

ملك الغرام · 10-12-2008, 08:33 PM

دائما بنقول (سقا الله ) ايمتا نرجع ع السويدا ....بس يا ترى اجا ببالكم شو اول شي حابين تعملوا .....؟

أكيد رح تشوفوا الاهل و الاقارب و,,و,,و

طيب لنعتبر انو هذا الشي صار . شو أكثر شي أشتقتولوا بالسويدا ....او شو أكثر شي فقدتوا بالغربة .....و موجود بالسويدا .....

لنفرض انو كل مغترب عطوا 24 ساعة يقضيها بالسويدا شو بيعمل .....معتبرين انو شفنا كل الغوالي ع قلوبنا .

ببدأ أنا ...انا رح مضي كل الوقت امشي بشوارعها (بدون خوف )و اتواصل مع ناسها مع هذه الوجوه الطيبة اللي بتحسسني بالامان و

التألف حتى لو ما بعرفها شخصيا (مليت من جمود الوجوه هنا و انعدام المشاعر )

يالله شاركوني رأيكم شو بتعملوا ب24 ساعة .....؟

شكرا لكل من يشاركِِ
_________________

][ NOOR ][ · 10-12-2008, 10:41 PM

يسلمووو ملك ... وانا صراحه 24 ساعه ما بتكفيني .. كلها زيارات ومشاوير وجيات وطلعات .... ههه ..

WiSaM R · 10-13-2008, 05:17 AM

اقتباس:

لنفرض انو كل مغترب عطوا 24 ساعة يقضيها بالسويدا شو بيعم؟؟ل

خيو بالنسبة الي

انا اول ما فيق يعني الساعة 6.30 او 7.00

بشرب قهوة اذا كنت لوحدي
واذا كان معي حدا
بعمل لقمة بلبن وزيت زيتون طبعا تليانة هههههههههههه وبحمصها على الغاز ههههههههه

بتكون صارت الساعة 8 ساعتها بشرب متي طبعا الحكي هذا على البرندة الغربية هههههههههه

بتصير الساعة 10 بلبس وبطلع بتفندل بشوارع عرمان نشوف الشباب :D

وبعدين تصير 11 او 12 بكون دبرت قعدة اركيلة مع الشباب ومتي هههههههههه

بروح على البيت الساعة 2.30 طبعا على الغدا باكل وبريح شويا على الانترنت او بضرب خي الصغدور ههههههههههههههههه اكيد عرفته صح بو حمد ههههههههههههههههه :D

بعدين بصير العصر ويا عين على هيك جو ساعتها بطلع بالسيارة ومع موسيقى عالية :D بفتل بشوارع عرمان لحتى المغيب فبعدين نكبس على السويداء(بس بدون بيرة او فقسي بالسيارة) لانو ممنوع :D:D يا اما على حديقة الفيحاء منتمشى ونبسط يا اما نفتل بليل بالقرى الي ما بعرفها لحد الان
وبهيك بكون انا راضيت نفسي من السويداء وعرمان

انور الزغير · 10-13-2008, 11:13 AM

قديش ما بتذكرك يا حارتي فيكي انتشينا وغاد ربيت جارتي
كنا صغار ونجهل دروب الهوى وجيراننا ما يكرهوش زيارتي

شكرا ملك الغرام على هالفكرة لان ال(24)ساعة بالجبل حلم لكل مغترب

اكيد ما بيكفي الوقت مهما طال بالسويداء ليشبع اي مغترب منها بس من حاول قد ما فينا

اناغالبا بوصل بالليل اكيدبشوف الاهل وبسلم عليهم وبفتح هالبابيك لاتنفس هوى طبيعي
والصبح بكير باخذعدة المتي وبطلع على الجبل بقعد تحت شي شجرة هيك شي ساعتين

وبرجع عالبيت لنشوف الجيران والاصدقاء باقي النهار وما عندي شي ثاني سويي لان انا من طبيعتي بيتوتي شوي ومتعود على الشغل كثير فبستنا اي لحظة ارتاح فيها واقعد بالبيت

نسيت قلك ان اول شغلي بعملها بطفي التلفون

(يا بلادي شوهالي صار من ليلك غابت القمار
من حظنك فلو ولادك مش باقي حدا بالدار

الأمير · 10-13-2008, 12:34 PM

شكرا صديقي الملك لطرحك الموضوع
أعتقد أن العمر كله لن يكف لنا
لنعيش كل شوقنا لعرمان و السويداء
أرجولكم العودة سالمين
وشكرا لك

خالد وليد صيموعة · 10-13-2008, 12:58 PM

فكرة الموقع تجمع وتلم شمل المقربين والتواصل مع اهل البلد

والشكر الجزيل لهذا الموقع ادارة واعضاء ومشاركين

وتحية خاصة لاهل عرمان وشبابها

وعامة لكل من شارك بهاذا الموقع الحلو

وشكر خاص لنور وللشيخ وسام رشيد

مع الطف تحياتي