شوفوا مو بس المرا بتنق كمان الزلمي/هههههههههههههههههههه/

[إيهاب نعيم]

نق الرجال من الالف الى الياء


الالف:
إيمتى بدك تتعلمي تتطبخي متل امي لك ايمتى!!! ‏
‏الباء :
بطة رجلي واجعتني بالله قومي انتي نزلي الشناتي من السقيفة " كذاب"
التاء :
تمورو رايحين بيت أهلي يعني تومورو رايحين بيت أهلي
‏الثاء :
ثمرة حبنا عم يفعي قومي
سكتيه بدي نااام
‏الجيم:
جاي ع بالي ملوخية قومي عالمطبخ واطبخيلي ياها
الحاء :
حلوة واحلى مني كمان ..اي شوفي مبارح أمي شو قالتلي " قال أنا أحلى منك"
‏الخاء :
خيار وفقوس يعني, أمك بتبوسي ايدها أمي لا
‏الدال :
دائما بتغاري عليي وكتير ليش ما بعرف
صحيح ديمة رفيقتك كيفها؟ الذال :
ذيل الكلب أعوج لك حاج لك حااااج " شو ما كانت القصة"
‏الراء :روحي حطيلي شوية مكياج حاجة ناكشة شعرك " بتكون هلكانة من شغل البيت"
‏الزاي :
زبال الحارة ما عاد لحق لسا نزل الزبالة وطلع الزبالة
‏السين :
سيارة وما عم لحق مصروفها وبيت وولاد وماعم لحق مصروف وحالي وما عم لحق من وين بدي جبلك مصاري أنا
‏الشين :
شغل بالمكتب وشغل بالشارع وشغل بالبيت.... ارحميني
‏الصاد :
صابون لوكس لأيش؟ شبو صابون الأهلية؟؟؟؟
‏الضاد :
ضبي الشتوي وطلعيلنا الصيفي بقا
الطاء :
طلعيلنا شي 50 ليرة فراطة للكرسون, واللي غسل السيارة, واللي مسح البلور و و و " قال يعني ما بيحمل الا ألفات"
‏الظاء:
ظاهرتك بطلتي تشتاقيلي لك ما عم تقعدي معي "أبصر شو عامل"
‏العين:
عينك حمرة " والله ما بعرف من شو"
‏الغين
غيرتي قنينة الغاز لك آخ منك كل شي براسي ..........وما تقوم تغيرها انت اااااااه

‏الفاء :
فكرتك مو منيحة أصلا أفكارك كلها مو معقولة انتي
سمعي سمعي شو بدي قول

‏القاف :
قمصاني ليش مو مكوية يا حرمة!!!
‏الكاف:
كم مرة بدي فهمك رفقاتك لا تجيبهن عالبيت حاج مصاريف حاج
‏اللام :
لسا مسلسلات هاتي هالريموت لنفهم شو صاير بالدنيا
الميم :
مية مرة قلتلتك لا تقطعي تأملي " بيكون تامله عبارة عن كاسة متة وبزر"
‏النون :
نايم عند أمي اليوم أنا دبري حالك انتي
‏الهاء :
هي سكرتيرتي اللي عم تدق

‏الواو :
ولدت أختك جبتيلا حلق دهب مع انو بنت أختي جابت صبي أخدتيلون شرشف "والله هاد اللي عطيتني حقو"

‏الياء : ‏
يا رب اخلص منك على أهون سبب لك من وين الله بعتلي ياكي..ما حدا قلك اتجوزها

[Carla]

ههههههههههههههههههههه واخيرااااااااا حدا صف معنااااااااا لك يسلمو
منشان تعرفو النق طبيعه بالانسان رجل او امرأه
ههههههههههه سمعو يا شباب يا نقاقيييييييييييين ههههههههههههههههه

[WiSaM R]

اخ لو EHAB ALHALABI قريب عليكي يا كارلا

[EHAB ALHALABI]

شوفي هون مين هي يلي طالع صوتها ..

تعي امسكي ذينتك وتعي لعندي بدي طعميكي لهالشيطون

قال نقاقين قال ...

بسيطة وسام اتركها عليي ...j

.


.

.

[WiSaM R]

كفو كفو والله

رجااال يؤبرني شو رجااال

[أنا الغالية]

ثمرة حبنا عم يفعي قومي
سكتيه بدي نااام
بس دخيلكم ما يطلع نئاء لأبوهه

_2ههههههههههههههههههههه_2

[Carla]

شوووووووووووه استاذ ايهابوووووووووووووووووو مستقوي والله
وع كل حااااااااااال بتمووووووووووووون ههههههههههههههههههههههههه

[سفير الجبل]

تنويه: قد ما ينقوا الزلم ما بوصلوا لربع نق النسوان
مثال بسيط:يكون فينا خير شو جايب يا زلمي معك انشالة ربي بهونة بندورة وخيار و بقدونس و بصل وبطاطا وبيتنجان وين الليمون الحامض هذا ومش موصيننك على شي هيك يتنسا الليمون ياللة رجاع جيب كتل ما أنت هيك ياللة وكمان جيب......