لمين بتهدي الوردة اللي بإيدك لواحد من أعضاء المنتدى

[حاتم العطواني]

اني بعربها يا جار , شوف يا مان

النفّجة : وردة خيالية غير موجودة على وجه الكرة الأرضية , اخترعوها النسوان الكبار خصوصاً بمنطقتنا , بحيث كانو بس بدن يطلعو شي زيارة يوصو بناتن بالمقولة المشهورة
"" بدي أرجع لاقي البيت متل النفّجة"" إنو وردة عطرها ساحر وشكلها أنيق وحلو
ومتعارف على النسوان الختيارية القدامى أنو كان إلهن أمثال تناقلت مع الأجيال حسب الحاجة للمثل بدي أذكرلك بعض اللي حافضو

مثلاً :



- " إذا طابت لك الكحلة , ذنبيها " .
- " أيار شهر الورود.. والهواء " .
- " نازل يشرب " . - يقال هذا المثل عن الكتابة على السطرغير المستقيم -
- " طالعة المحابيس اليوم " . ( يقال هذا المثل عن شخص يلبس جوارب مهترئة من الأمام على أصابع القدم )
- " فلان اّدمي ما بيئذي حتى النملة ! " .
- " فلان ... بيستحي من خيالو " .
- - " فلان ... بياكل القطَ عشاه " .
- - " فلان ... كأنه أندبونا " ( كأنه غير شكل عن بقية البشر ( .
- فلان ... فهفوئي " . ( أي يتكلم عن كل شئ لا يضبط على سر )
- - " كل واحد بياخذ رزقته , أو نصيبه " .
- - " فلان ... داعس " .
- - " فلان ... ما حدا قدَو " .
- " فلان ... عنده من حاله , أو عنده نخوة " .
- " فلانة ... خلقها الله وكسر القالب " .
- " فلانة ... فمها مثل الملبَسة " .
- " فلانة بيتها مثل النفجة " .
- " فلانة ... شو لجوجة " .
- " السجن للرجال " .
- " ما في شدَة إلا بعدها فرج .
- " اشتدي يا أزمة تنفرجي " .
- " الليلة , بيَاتة " - أي ليلة رياح وثلوج وصقيع باردة جداً - .
- " فلان شو متشرن * " .
- " قالت لي العصفورة : ؟ .
- " مكتوب على جبينك " .
- " يا ظالم لك يوم " .
- " على عينك يا تاجر " .
- " الحقيقة , بتجرح " .
- " الصيت أفضل من الغنى " .
- " حصوة بتسند خابية " .
- " فخار يكسَر بعضه " .