سيلي يا عَبْرات العين عالخدود

[م. عمر بو نصر الدين]

5ythkhn سلامات : هذه القصيدة قديمة كتبتها عام 1995 5ythkhn
أرجو أن تعجبكم

سيلي يا عَبْرات العين عالخدود ... دهري جافاني وحبابي عني صدود

دهري جافاني حبيبي هجرني ... خلاني بعدو مثل هارب عالحدود

خلاني بعدو مثل هارب من سجن ... ما بدو يشوفو حدا لا إنس ولا جن
إن طال هجرو عني يمكن راح أجن ... أحلف بعيسى وموسى والنبي داوود

أحلف بعيسى وموسى وكل الأنبيا ....... إنو حبيبي نسي الأيام وسلا
ذاك المسا شو قال نحنا لبعضنا ... لو إنو بيذكر شو حلف بالخمس حدود

لو إنو بيذكر شو حلف لي بالوفا ... خان العهد بعد المودة والصفا
يا ريت أشوفو من بعد طول الجفا ..... لخلي دموعو تسيل ع عرض الخدود

لخلي دموعو على خدّو تنهمر ...... لذوّب قلبو مثل الشحم ع الجمر
بلكي يلين قلبو الأقسى من الصخر ... ونعود بعد الجفا للمودة نعود

ku1ykuk
...

[Lama]

قصيده جميله اخى عمر

يعطيك العافيه ع ماتتحفنا به من روائع


تحياتى لك

[م. عمر بو نصر الدين]

الأخت العزيزة ورد السعودية
كل الشكر لك ..
ودمت بخير..
..

[omaia haval]

يسلم فكرك وقلمك
كلمات حلوة ومعبرة

لك مودتي

[م. عمر بو نصر الدين]

الأخت العزيزة omaia haval
اتسع المكان أكثر بمرورك الجميل
وزاد روعة وجمالا وعطرا فواحا
أتمنى أن تشاركينا بحروفك دوما
شكرا من القلب

[Ghada Saymoua]

كلمات جميلة ومعبرة

شكرا لك اخ عمر

تحياتي

[م. عمر بو نصر الدين]

الأخت غادة :

مرورك هو الأجمل والأحلى

شكرا لأنك توقفت للحظات معنا

لك مني أجمل التحايا ..