الرئيسية arrow عرمان arrow من عرمان المخرج ممدوح الأطرش
  ::عرمان:: الشهيد البطل الملازم شرف .. أسامة اكرم حمزة   ::عرمان:: ثلاث أعوام على تأسيس صفحة عرمان بنت الجبل   ::عرمان:: الشهيد البطل الملازم شرف أشرف فوزات الدبيسي   ::عرمان:: عرمان تستقبل شهيدها الثاني والعشرون   ::عرمان:: الشهيد البطل الملازم شرف مدين محمود الدبيسي   ::عرمان:: تكريم كتيبة جلاميد عرمان للشاعر باسم غسان عمرو   ::عرمان:: حفلة الشعار في مضافة الشيخ أبو فؤاد حسين نعيم السويداء عرمان   ::عرمان:: شهيد عرمان سمير محمد رشيد /خويص   ::عرمان:: من عرمان ماهر غالب الزغير   ::عرمان:: عاشت سورية   ::عرمان:: من عرمان البطل فادي بسام صياغة بطل سجن حلب المركزي   ::عرمان:: شهيد عرمان سمير محمد رشيد /خويص   ::عرمان:: من عرمان "زويا الزغير".. وصفة طبية خاصة للشطرنج   ::عرمان:: من عرمان الشهيد البطل كاظم نصر شروف   ::عرمان:: بعدن عالبال رجالك ياعرمان   ::عرمان:: من عرمان الشهيد البطل طلال منصور الحداد   ::عرمان:: مطحنة "عرمان".. صوت آلة ينبض الحياة   ::عرمان:: شهيد قرية عرمان رائد ابراهيم بركة   ::عرمان:: شهيد عرمان البطل حسين تيسير المقت   ::عرمان:: من عرمان أسامة زيد ياغي متفوق على مستوى العالم

من عرمان المخرج ممدوح الأطرش

طباعة ارسال لصديق
الكاتب/ أشرف جمال   
19/09/2011
إدارة موقع قرية عرمان (السويداء - جبل العرب الأشم )  تتقدم بالشكر الجزيل لابن الجبل وأبن عرمان المخرج ممدوح الأطرش على العمل الفني الكبير الخربة والى النجوم مروان أبو شاهين ورافي وهبي  ولجميع الفناننين  المشاركين في هذا العمل وأنه لفخر كبير لهذه القرية وللجبل العرب بابنائها وبهذه المناسبة يقدم موقع عرمان أجمل التهاني على هذا العمل الفني والى المزيد من التقدم والنجاح 
وللمخرج الاستاذ ممدوح الاطرش نقول أننا ننتظر جديد اعمالك وأن يكون لمعركة عرمان نصيبا منها كما لمسرحية عرمان
وسندرج هنا السيرة الذاتية للمخرح ممدوح الاطرش والتي حصلنا عليها من عدة مواقع ونرجوا من المخرج الاستاذ ممدوح الاطرش أن يقوم باعلامنا أذا هنالك اي معلومات مغلوطة أو تحديث فيما يخص سيرته الذاتية


* - وُلِدَ الفنان ممدوح الأطرش في محافظة السويداء ، سوريا في 21/3/ 1945
* - أتم مراحل الدراسة الإبتدائية والإعدادية والثانوية في محافظة السويداء
* - إلتحق بكلية الآداب قسم اللغة العربية بجامعة دمشق
في العام 1966 /1967 ولم يُكمل دراسته فيها
* - خرّيج أكاديمية الفنون بالقاهرة - المعهد العالي للفنون المسرحية - في العام 1973 .
* - يحمل شهادة الإختصاص :
( بكالوريوس في التمثيل والإخراج )
* - شهادة موثقة من أكاديمية الفنون بالقاهرة بإجازة العمل:
( بالإخراج المسرحي والإذاعي والتلفزيوني ) .
* - عضو نقابة المهن التمثيلية بجمهورية مصر العربية .
*- عضو نقابة الفنانين في الجمهورية العربية السورية :
( كممثل ، ومخرج مسرحــي ، ومخرج تلفزيوني ) .
*- زيارات إطلاعية وعملية فنيه في كل من :
اليونان ، بريطانيا ، روسيا ، الولايات المتحدة الأمريكية .
*- خبرة 32 عام في ممارسة العمل الفني في مجـــال :
المسرح والإذاعة والسينما والتليفيزيون .
*- حصل على شهادة الدكتوراه الفخرية بالعلوم الإنسانية من جامعة كاستل ببريطانيا

- ماقدمه من أعمال فنية :
(تناولتها الصحافة المحلية والعربية والأجنبية بكثير من المتابعة والإهتمام)
1- في المسرح :

* ثمن الحرية
(لروبلس) ممثل ومدير مسرح سرايا السويداء 1969 فرقة إتحاد شبيبة الثورة

* موزة وثلاث سكاكين
(لوليم باسيلي) ممثل مسرح الموسيقى العربية القاهرة 1970 نجوى سالم،عماد حمدي، ميمي شكيب محمد نجم . ...وغيرهم ..

* كاليجولا
(لكامي) مخرج وممثل المسرح القومي القاهرة 1973

* مفجوع رغم أنفه (لتشيكوف) مخرج وممثل المسرح القومي القاهرة 1973

* حكمت المحكمة
(لتيمور) مخرج وممثل المسرح القومي
القاهرة 1973

* المعثر
عن (ليونيد أندرييف) ممثل ومدير ومنتج
مسرح سينما الخيام ثم المسرح العسكري دمشق 1974 كمال الشناوي،زيزي البدراوي،عبد المحسن سليم،رشوان توفيق (من مصر)
أحمد عداس،أنطوانيت نجيب وغيرهم (من سوريا)

* النساجون
(لهوبتمان) إعداد وإخراج مسرح إتحاد نقابات العما ل دمشق 1974 فرق إتحاد نقابات العمال بسوريا

* عرس التحدي
(لحسين حمزه) مخرج أول عمل غنائي إستعراضي سوري المسرح العسكري ثم مسرح معرض دمشق الدولي دمشق 1977 سميرة توفيق، وديع الصافي (من لبنان) محمود جبر و70 فنان وفنانة ( من سوريا)

* مشعل
(لعيسى أيوب) مخرج مسرح معرض دمشق الدولي
ثم مسرح الحمراء ثم مسرح قصر الثقافة بعمان 1978 جورجيت صايغ مروان محفوظ،، أميره (من لبنان )
عبد اللطيف فتحي ، رفيق سبيعي ،هالة شوكة
و60 فنان وفنانة ( من سوريا)

* الزغرودة
(لجان ألكسان) مخرج مسرح الحمراء دمشق 1980 ناهد حلبي ، عبد السلام الطيب ، أديب شحاذه ، هيفاء واصف و80 فنان وفنانة من سوريا
* خناقة حامية
(لأحمد قنوع ) مُعِد ومخرج مسرح سينما راميتّا دمشق 1982 غادة بشور، أحمد ايوب، فؤاد غازي ، سمير سمره، محمد خيرحلواني
*عرس الشام
(لمحمد جومر) مخرج قاعة المتنبي بميرديان دمشق دمشق 1982 سلوى قطريب ،صباح فخري ، عبد اللطيف فتحي، ناهد حلبي سحر فوزي ، أديب شحاذه وكثيرين

* إستعراض Ballet Folklorique Syrien ُ
معد ومخرج ومدير مسرح Au Centre des Arts
Guadeloupe 1984 فرقة جبل العرب للفنون الشعبية

* ستعراض ARABIAN NIGHTS مُعد ومخرج ومدير
مسرح Au Centre des Arts نخبة من فناني الإستعراض السوريين والمغني الأميركي( john Adi)
U.S.A 1984
* إستعراضات وعروض
فرقة جبل العرب للفنون الشعبية مُعد ومخرج ومدير سينما الزهراء بدمشق وغالبية المحافظات السورية والإمارات

* عروض مؤتمر فيلادلفيا الدولي مخرج ومدير
Pennsyl
vania
Conven
tion
Center U.S.A 1996
ثلاثون فنانا وفنانة من نخبة فناني الإستعراض
بسوريا

* عروض
المهرجان السياحي السوري الأول
بدولة البحرين مخرج
ومدير مسرح فندق
(سان روك) البحرين 1997 فرقة جبل العرب للفنون الشعبية

- أستضيف في كثير من البرامج واللقاءات والمقابلات بإذاعات ومحطات التلفزة العربية والأجنبية:
إذاعة و تلفزيون دمشق ، إذاعة السعوديه ، تلفزيون السعودية ، وابوظبي ، والشارقة ، والآوربت ، وتلفزيون لبنان الرسمي ، وتلفزيون القاهرة ، والعربية ، والجزيرة ، والنيو tv والجرس ، وقناة الدنيا ، وقناة الدراما ، وتلفزيون موسكو ، وتلفزيون جزيرة (أنتيكوا) في جزر الهند الغربية ، وبعض المحطات في الولايات المتحدة الأميركية ، وكثير من المحطات الأخرى ..
- عمل في كثير من البرامج الإذاعية في القاهرة ودمشق وغيرها ..

2 - ماقدمه في الإذاعة والسينما والتلفزيون :

- عمل ( ممثلا ) - بأدوار تتراوح بين الثانوية والبطولة المطلقة - في كل من الأفلام والمسلسلات التالية :

* {الرباط الفضي

1970 القاهرة أحمد رمزي ، حسن يوسف

* ( ستوب )
1970 القاهرة إشراف جورج لمبيان (المخرج الفرنسي)

* هذه أرضي أنا

1971 القاهرة سميرة أحمد وشكري سرحان
( أوقف العمل)

* تقاليد
1971 القاهرة حامد الشامي، آمال سامي ، سهير توفيق
( إعداد وتمثيل وإشراف عام )

* مدرسة المراهقين:

1972 القاهرة فؤاد المهندس ، شويكار ، شهيرة

*حلقات نفسية
(مسلسل تلفزيوني)
1972 القاهرة أخرجها فاروق سعد
وشارك بها نخبة من نجوم مصر

* أشياء تحدث غالبا بالحب
1972 القاهرة ماجدة الخطيب وغيرها

* طريق الرغبة
1972 القاهرة فؤاد المهندس ، شويكار ، حسن يوسف

* المطلقات
1973 القاهرة شكري سرحان ، صلاح قابيل ، شمس البارودي،

* سرب الأبطال
1974 دمشق خالد تاجا ، إغراء

* إمرأة ليست للبيع
1984 دمشق إغراء ، مظهر الحكيم ، سعد بقدونس

* الإنتقام حبا
1985 دمشق غادة الشمعة ، أديب قدورة سعد الدين بقدونس

* باسمة بين الدموع
1985 دمشق نبيلة النابلسي ، ناجي جبر

* فتيات الإستعراض
1985 دمشق إغراء ، جاكلين

* بنات الكاراتيه
1985 دمشق إغراء ، شمس الدين صافيناتي

* حب ماني
1986 موسكو مجموعة من نجوم روسيا وسوريا

* قصة شرق أوسطيه
1986 موسكو و
دمشق أسعد فضة ،طلحت حمدي وكراجينيا سيبالوشكا

* شهرزادة
1986 روسيا كثير من ممثلي روسيا

* شمس في يوم غائم
1987 دمشق منى واصف ،جهاد سعد، وكثيرين

* الإبتسامة
1987 روسيا وسوريا إلياس كرم ، محمد خير حلواني ، عبد السلام الطيب
ونخبة من الفنانين السوريون والروس

* المكوك
1991 روسيا إغراء ، صباح عبيد ، علي كفري

* بستان الغضب
2000 دمشق عبد الرحمن أبو القاسم ومجموعة كبيرة

* الطحين الأسود
2001 دمشق اسعد فضة
ومجموعة كبيرة

* الهوية
2006 دمشق عبد الرحمن ابو القاسم ، سلمى المصري
وغيرهم

* حارة ع الهوا
(مسلسل تافزيوني)
2008 دمشق بسام كوسا ، خالد تاجا ، سلمى المصري وغيرهم

* الغرباء (فيلم ايراني)
2009 دمشق قصي خولي ، ليليا الأطرش وغيرهم

* مؤلف مسلسل اسمهان
(مسلسل تلفزيوني)
2008 دمشق سلاف فواخرجي وغيرها الكثيرين



ب – شغل المناصب الفنية التالية :


* عضو مؤسس في إتحاد الفنانين العرب
(من المؤسسين الخمس الأوائل)
- سجل تاريخي موثق بخاتم وزارة العدل المصرية برقم 4772
تاريخ 18/11/1970
- جريدة الإهرام رقم 30638 - مجلة ألوان عددها 158
- مجلة أضواء النجوم عددها 19/كانون الثاني 1971
- مجلة دنيا الفن عددها 20 1/4/1971 1970 القاهرة

* عضو مؤسس في الإتحاد العام للفنانين الفلسطينيين
- بطافة العضوية رقم 6
- جريدة الجمهورية عددها 24/5/1973 1970 القاهرة

* معتمد كممثل
في تليفيزيون جمهورية مصر العربية
شهادة الإعتماد رقم الإيصال 883216 تاريخ 10/12/1970 1970 القاهرة

* مؤسس ومدير مشروع أول وحدة مسرح عربي في العالم العربي
تحت رعاية وإشراف جامعة الدول العربية

- سجل تاريخي موثق بخاتم وزارة العدل المصرية برقم 61
تاريخ 11/11/71
- مجلة الكواكب المصرية 14/4/1970
- مجلة روز اليوسف المصرية 20/4/1970
- جريدة الجيزة المصرية عددها رقم 104
- مجلة الجماهير عددها 2/5/1970
- جريدة الجمهورية المصرية 19/6/1970
- جريدة المساء القاهرية عددها 4يناير 1971
- مجلة المصور المصرية عددها 27/4/1973
- مجلة جيش الشعب السورية عددها 7/9/1971 1971 القاهرة

* مؤسس
اول مكتب لإتحاد الفنانين العرب بدمشق
- سجلات التأسيس
- كتاب رئاسة الجمهورية السورية
- جريدة الأخبار عددها 5822
- مجلة دنيا الفن عددها 15
- جريدة الأخبار عددها 5792 1971 دمشق

* عضو نقابة المهن التمثيلية بجمهورية مصر العربية
- أيصال الإنتساب رقم 10655 /5/ب
- تاريخ 7/3/1971 1971 القاهرة

* مدير مكتب دمشق
للدار العربية للصحافة والنشر (دابي)
- بطاقة الدار الصحفية رقم 0018 1971 القاهرة

* مدير شرف نادي الوافدين بمنشية البكري بجمهورية مصر العربية
- قرار وزارة التعليم العالي - مجلس إدارة النادي بتاريخ 1/11/72
- مجلة دنيا الفن عددها مارس 1973
- مجلة أضواء النجوم عددها 14/1/1971 1972 القاهرة

* عتمد كممثل
في مسرح الجيب بجمهورية مصر العربية
- شهادة موثقة بتاريخ 1/1/72
- وشهادة ثانية موثقة بتاريخ 18/6/73 1972
1973 القاهرة م

* سكرتير عام
إتحاد الفنانين العرب
- كتاب الإتحاد رقم بلا تاريخ 25/11/1972
- بناء على إجتماع مجلس إدارة الإتحاد بتاريخ 23/11/1972
- قرار الإتحاد رقم/1748/ص تاريخ 10/6/73
- جريدة الأهرام القاهرية 9/3/1972
- جريدة المساء القاهرية 18/3/1973
- جريدة الجمهورية القاهرية 4/5/1973
- جريدة الجمهورية القاهرية عددها 24/5/1973
- مجلة دنيا الفن -/2/1973
- مجلة دنيا الفن /3/1973
- مجلة الطليعة السورية 25/آب/1973
- جريدة البعث السورية عددها 6/2/1974 1972
1973 القاهرة

* عضو نقابة الفنانين
في الجمهورية العربية السورية
(كممثل ومخرج)
- قرار مجلس النقابة رقم 563/ق تاريخ 26/12/73
- والقرار رقم 275/ق تاريخ 10/11/75
1973 دمشق

* مؤسس ومدير المسرح العمالي بسوريا

- قرار وزارة الثقافة رقم 9571/811 تاريخ 3/7/74
- وقرار إتحاد نقابات العمال رقم 102/ص تاريخ 2/5/74
- جريدة الإشتراكي 13/5/1974
- جريدة الإشتراكي 20/5/1974
-جريدة الأسبوع الرياضي عددها 17/6/1974
- جريدة البعث السورية عددها 9/7/1974
-جريدة البعث السورية عددها 3/6/1974 1974 دمشق

* مؤسس ومدير ومخرج فرقة المسرح الأكاديمي الضاحك بسوريا

- قيود التاسيس في نقابة الفنانين بسوريا
- جريدة البعث 8/ 7/1974
- جريدة الثورة 10/7/1974
- جريدة البعث 26/7/1974 1974 دمشق

* مؤسس المسرح الغنائي الإستعراضي بسوريا

عرس التحدي أول عمل غنائي إستعراضي سوري :
- مجلة جيش الشعب السورية 28/6/1977
- مجلة هنا دمشق 25/7/1977
- مجلة جيش الشعب 12/7 /1977
- مجلة الجندي العربي تموز/آب/1977
-مجلة الشبكة اللبنانية 25/7/1977
- جريدة الثورة السورية عددها 3/8 /1977
- جريدة النهار اللبنانية 6/آب / 1977
- مجلة الحسناء اللبنانية 12/8/1977
-مجلة جيش الشعب السورية 16/8/1977
- جريدة البعث السورية 19/7/1977
-البرنامج الفني لمعرض دمشق الدولي عام1977
- جريدة الثورة السورية 6/8/1977
- مجلة الإذاعة والتلفيزيون السورية 27/8/1977
- مجلة المرأة العربية السورية5/8/1977
- جريدة الثورة السورية 4/8/1977
- جريدة البعث السورية 8/8/1977
- جريدة البعث السورية 19/8/1977
- جريدة البعث السورية عددها 29/8/1977
-جريدة تشرين السورية 14/8/1977
- جريدة الثورة السورية 20/8/1977
- مجلة الشبكة اللبنانية 8-15/8/1977
- جريدة تشرين السورية عددها 15/8/1977 1977 دمشق


* مديرا للمسرح العسكري بسوريا

قرار الإدارة السياسية
1978 دمشق
قرارات موثقة من القيادة العسكرية
- جريدة البعث السورية عددها 28/4/1980
- جريدة البعث السورية عددها 15/7/1980
- جريدة البعث السورية عددها 27/7/1980
- مجلة الشبكة اللبنانية عددها 11-18/8/1980
- جريدة الثورة السورية عددها 7/5/1980
- مجلة الموعد اللبنانية عددها 12-18/6/1980
- مجلة الشبكة اللبنانية عددها21/3- 7/4/1980
- مجلة ألوان اللبنانية عددها 30/3- 5/4/1980
- جريدة البعث السورية عددها 11/7/1980
- جريدة البعث السورية عددها 13/7/1980
- مجلة الحسناء عددها 12-19/ 9/1980
- جريدة الثورة السورية عددها 5/7/1980 1980 دمشق

* مؤسس ومدير مسرح الفرسان بسوريا

* * مؤسس ومدير ومخرج فرقة شام للمسرح

- قيود التأسيس في نقابة الفنانين
- مسرحية خناقة حامية ، مسرحية عرس الشام
- الشبكة (ص)18 -- 1982 1982 دمشق

* مؤسس ومدير فرقة جبل العرب للفنون الشعبية بسوريا
- قرارات التاسيس والسجلات الرسمية للفرقة
- مجلة الشبكة اللبنانية 11-18/4/1983 -جريدة الثورة السورية 15/2/1983
- مجلة هنا دمشق 16/2/1983 -جريدة البعث السورية 28/2/1983
-مجلة هنا دمشق السورية 15/3/83 -جريدة عكاظ السعودية عددها 4/6/1983
-جريدة البعث السورية 15/3/1983 -جريدة الثورة السورية 15/3/1983
-جريدة الوحدة الظبيانية 30/3/1983 -مجلة ألوان اللبنانية 26/4/1983 1983 السويداء

* مؤسس وصاحب ومدير مؤسسة ميثا للإنتاج الفني
- سجلات التأسيس (موثقة)
- سجل تجاري رقم 2803/1 درجة آولى
- سجل صناعي رقم 51
- مجلة ألوان اللبنانية عددها 19-25/11/1983 1984 السويداء

* مؤسس ورئيس مجلس إدارة جمعية المبدعين السوريين
- قيود التاسيس بوزارة الشؤون الإجتماعية والعمل برقم 92/ص تاريخ 14/1/2004 2004 السويداء

* عضو شرف في منظمة الهلال الأحمر

شهادة منظمة الهلال الأحمر 2006 دمشق



- له كثير من المقالات النقدية والتحليلية الفنية في مجال المسرح والدراما نشرت في كثير من الصحف
العربية
- كما عقدت له مؤتمرات صحفية في بعض الدول العربية والأجنبية .
- وشارك في عديد من الندوات الفنية والمهرجانات السينمائية والمسرحية داخل وخارج البلاد العربية .
- تابعت اخباره بكثير من الإهتمام الصحافة العربية ومواقع الأنترنيت



*** ج – حائز على شهادات التقدير وكتب الثناء التالية :

*شهادة تقدير من قيادة منطقة القناة التعبوية في الجبهة المصرية
للمشاركة في الترفيه عن المقاتلين بجبهة القناة
شهادة التقدير بتوقيع اللواء أحمد نصر قائد منطقة القناة التعبوية 1970 مصر

* درع القيادة العامة
الدرع 1970 مصر قيادة الجبهة المصرية للمشاركة في الترفيه عن المقاتلين

* وسام شرف من محافظ السويس محمد أحمد البلتاجي
لتقديم عرض مسرحية ( موزة وثلاث سكاكين)
الوسام 1970 مصر

* كتاب شكر وتقدير
نص الكتاب بتوقيع شوقي جمعه رئيس مجلس إدارة نادي وافدين منشية البكري
رقم بلا تاريخ 1/11/1972 1972 مصر وزارة التعليم العالي المصرية
(مجلس إدارة نادي الوافدين)

* برقية تهنئة وتفويض
نص البرقية بكتاب رسمي من إدارة النادي 1973 مصر الطلبة العرب المقيمين بجمهورية مصر العربية

* برقية شكر وتقدير

نص البرقية رقم 801 صادرة عن رئاسة الجمهورية عابدين القاهرة 1973 مصر محمد أنور السادات رئيس جمهورية مصر العربية

* شهادة تقدير
نص الشهادة رقم 9/عام تاريخ 3/4/83 1983 ابو ظبي وزارة الإعلام والثقافة بدولة الإمارات العربية

* كتاب شكر وتقدير
نص الكتاب رقم بلا تاريخ 3/5/1983 1983 أبو ظبي سفير سوريا بدولة الإمارات العربية المتحدة

* شهادة تقدير
نص الشهادة بتوقيع رئيس فرع النقابة بحمص 1984 سوريا نقابة الفنانين في الجمهورية العربية السورية

* شهادة شكر
نص الشهادة بتوقيع نقيب الفنانين في 6/12/95 ( النقابة المركزية - دمشق ) 1995 سوريا نقابة الفنانين في الجمهورية العربية السورية

* كتاب شكر وتقدير
نص الكتاب الصادر عن إدارة الفندق المنظم للمهرجان بتارخ 15/12/96 1996 البحرين إدارة فندق (سان روك) بمناسبة المساهمة بإنجاح المهرجان السياحي السوري الأول بالبحرين


* براءة شكر وتقدير
نص البراءة بجلسة مجلس إدارة النقابة بتاريخ 3/12/96 1996 سوريا نقابة الفنانين في الجمهورية العربية السورية
( النقابة المركزية بدمشق )

* كتاب شكر وتقدير
نص الكتاب الصادر عن المؤسسة بتاريخ 21/10/96 1996 U.S.A Sandra Foster Public Relations HOPE for the City

* كتاب شكر وتقدير
نص الكتاب الصادر بتاريخ 24/10/96 1996 U.S.A Edward Rendell Mayor Philadelphia,
Pennsylvania

* شهادة عرفان وتقدير
نص الشهادة الصادرة بتاريخ 25/10/96
1996 U.S.A The Arab Amercian Business Associaton

* درع معرض فيلادلفيا
الدرع ( للدور الفعال بإنجاح المعرض ) 1996 U.S.A لجنة معرض فيلادلفيا الدولي للكتاب الإسلامي والعربي

* كتاب شكر وتقدير
نص الكتاب الصادر عن نقيب الفرع فهد بلان بتاريخ 30/1/97 1997 سوريا فرع المنطقة الجنوبية لنقابة الفنانين في سوريا

* براءة تقدير
- ميدالية ذهبية
نص البراءة الصادرة عن نقيب الفنانين بتاريخ 24/7/2003
سلمت في حفل تكريم الفنانين في العيد العاشر تحت رعاية السيد رئيس الجمهورية 2003 سوريا نقابة الفنانين في القطر العربي السوري
النقابة المركزية -

* درع اتحاد الجمعيات والروابط والهيئات البيروتية
درع التكريم ، وشهادة التقدير
سلمت بحفل تكريم الفنانين السوريين
في لبنان 2004 لبنان رئاسة الإتحاد

* درع مهرجان الداخلة
درع المهرجان
سلم بحفل افتتاح مهرجان الداخلة بالمغرب 2009 المغرب ادارة مهرجان الداخلة السينمائي

* شهادة تقدير
سلمت من قبل المدير العام لمجلة العربي 2009 دمشق مجلة العربي

* درع شبيبة الثورة
سلم بحفل كبير بصالة ليلتي 2009 دمشق فرع شبيبة الثورة بجرمانا
* درع تكريمي
سلم بحفل عرس اليتيم من قبل ممثل محافظ دمشق 2009 دمشق مجموعة شمس

* شهادة تقدير
سلمت بحفل تكريمي بشيراتون صيدنايا 2010 دمشق روتانا سينما

* درع مهرجان سبيطلة الدولي
سلم بحفل اختتام مهرجان سبيطلة الدولي بدورته العاشرة 2010 تونس ادارة مهرجان سبيطلة الدولي

* مجسم قوس النصر
سلم بحفل اختتام مهرجان سبيطلة الدولي بدورته العاشرة 2010 تونس ادارة مهرجان سبيطلة الدولي

* درع تكريمي من الشعراء الشعبيين بجبل العرب
سلم بحفل تكريمي كبير في مدينة صلخد
سوريا 2010

* درع مهرجان فنون المتوسط بتونس 2011



- إتجه مؤخرا للتاليف والإخراج التليفيزيوني بهدف تقديم المتميز من الأعمال
صورة ومضمونا - بأسلوبية أكاديمية مدروسة ،
.. آملين أن نرقى قدما - في خطوة جديدة- بالدراما التليفيزيونية العربية ،
والله ولي التوفي .

د – أعمال قيد التنفيذ :

# مسرحية غنائية تاريخية بعنوان ( عرمان ) .......................................... تأليف وإخراج
# مسلسل تليفيزيوني من ثلاثين حلقة بعنوان ( الميساء ) ............................... . تأليف وإخراج
# مسلسل تليفيزيوني من 30 حلقة بعنوان ( الممثلة ) ............... ........... تاليف وسيناريو وحوار
# مسرحية (فراطيطو) كتب مادتها الشعرية التونسي عدنان الهلالي ................. تأليف وإخراج
# مسرحية الإنسان ... بطولة لطفي بوشناق ومجموعة كبيرة من فناني الوطن العربي ...... اخراج
مع تحيات المخرج
ممدوح الأطرش



مؤسسة ميثا للإنتاج الفني

تقدم

المسرحية الغنائية الإستعراضية
عُرْمَانْ
التأليف : الناس إللي كانوا
الأشعار : بيان أبو حمدان
التأليف الدرامي والإخراج : ممدوح الأطرش


موافقة وزارة الثقافة رقم 2643 / 58 تاريخ 8 / 5 / 1413 هـ الموافق 3/ 11 / 1992 على عرض هذا العمل على مسارح القطر


 

 


كل ضحكة ، صوّرناها كلمه .. وكل آه ،، صارت جمله .. وكل حبة من حبات التراب ، جمعناها .. حبه .. حبه .. وعملنا منها مسرحية ...
وكل غنّيه فيها ، بتحكي عن الف حكاية وحكاية .. والحكاية سميناها .. عرمان
وبعرمان الرمز .. بيتكوّن وطن كبير .. حدودو بتوصل للشمس ..
وشخوصو ، هنّي الأهل إل عاشو بـ هالأرض من سنين وسنين ..
وولادهن هنّي نحنا إل عايشين ..
منهم بطال طلعوا ، ودمهن للأرض ناذرين .. وعيونهن تحرس هـ الديري ، وترد عنها الغازيين ..
عرمان يللي منحكي عنها هي الوطن الكبير ... منها بيطلع قمر .. ومنها بتولد شمس ..
حكايتنا دار دولابها سنة ألف وثمانميّه وسته وتسعين ... وانتهت بس وصلت لعام ألف وتسعميّه وخمسة وعشرين.. يوم الفرح زار بابها ...
أسلوبنا كان سهل كثير لنوصّل للناس الفكره ... وجمعنا حسرات الناس .. حسره ، حسره ...
والحسرات صارت نشيد ، والنشيد يتغنى ..
ولهالسبب صارت عرمان غنيّه يغنيها الزمان ...
وحتى يعود المطر من جديد .. طلعوا الناس يرقصوا ، ويبتهلوا ، وينطروا العيد ..
ورقصهن كانت تعلا إيقاعاته ، وتوصل للمدى البعيد ..
غني ، ورقص ... وضحك ، وعبس .. وأحلام بتخيّم ع السما .. وكلّوا منشوفو بعرمان ...
لغتنا كانت شعرية وسهلة كثير .. وكلماتها عربية بتحملها جوانح طير بيغرّد للحرية ..
أشخاص عَمَلنا .. ناس كانوا عايشين .. يعني .. مش من نسج الخيال .. وعليهم انبنت آمال ... وآمال ...
وهنّي يللوا كتبوا القصة .. والقصة منهم أخذناها .. وصغناها ..
منهم كتب القصة بدمو .. ولهيك صارت سطورهها حمرا ...
ومنهم كتبها بالحبر المالح يللي اتشكّل ع جبينو .. وع زنود حملت منجل ، ومعول ، وباروده ...
ومنهم كتبها بزغروده ...
وبهيك صارت حكاية ... والحكاية حابّي تسمعوها ،،، وتشوفوها .....!!!!!

ممدوح الأطرش




الشخوص :




الراوي
ممدوح باشا
عبدو أفندي
قائد عسكر
الحاجب
ميثا
سامي باشا
السجان
ذوقان
يوسف العظمه
غورو
الشاويش
بستان
برج إيفل
ص . سلطان
أسعد
السيرجان
كابورال
المختار
عطاب
جنرال1
جنرال2
جنرال3
ميشو
رجل1
رجل2
رجل3
رجل4
رجل5
رجل6
رجل7
إمرأه1
إمرأة2
إمرأة3
إمرأة4
إمرأة5
قاسم
أبو هايل
إم قاسم
إم هايل
فارس
عطره
أبو عبد الله
أبو قاسم
أبو محمد
إم محمود
بو جدعان
الجوقة
وفد أهالي عرمان
العسكر العثماني
مجموعة أهالي الضيعة
مجموعة المشنوقين
مجموعة المشانق
الحاشية العثمانية
العسكر الفرنساوي
مجموعة الرقص الشعبي
مجموعة الرقص التعبيري
مجموعة المغنيين
مجموعة الموسيقيين





الفصل الأول

المشهد الأول

المكان : أي مكان الأشخاص : الراوي – كل الناس

تل كبير منصوب في ساحة العرض ، مجوف .. بطن التل هو الكواليس ...
فتحات كثيرة ومتعدده مخفية .. تخرج وتختفي منها وفيها الشخوص والمجاميع .. تبدو لنا تضاريس هذا التل وتعرج طرقاته وممراته .. وتجاويفه المخيفه التي تبعث على الرهبه ..
وفي القسم الأيسر منه تجويف كبير ملتف يشكل مجال تغيير المشاهد .. ومستويات متعدده تشكلها صخور التل ونتوءاته ..
في إظلام المسرح وبداية موسيقى المقدمه يظهر الراوي على ظهور ضوئي بطيء مستعرضا المكان والناس...


الراوي راح أحكيلكم قصة,,عن ضيعة أسمها عرمان
عرمان صرخة الزمان .... ومولد الفرسان
والضيعة اللي منشوفها,, وين مكان..... وبطن التاريخ...... إلها عنوان .... عنوان مكتوب ,,بحروف نور .... كل حرف,,بيروي قصة .... وكل قصة بتصير روايه ,,تحكي عن زمن الطوفان...... ...
بها الضيعة في ناس كثار ،، مشوا،، وعم بيمشوا ع درب النار .... وفي أسوار .. وفي ثوار .. وفي.........

(يقاطع) ....
الناس وقف عندك ... إلزم حدك ..
هالضيعه.. هي ضيعتنا ... وهالقصة .. هي قصتنا ..
نحنا بس منحكيها .. ما من خلي حدا.. ولا من خلي الصدا .. يرويها
الراوي أنا بعرف كل شي فيها ... حاضرها ,, وماضيها ..حقولها ..بيوتها.. سهولها..جبالها..وحواريها......

الناس نحنا قلنا... وقف عندك... نحنا الناس....إلزم حدك
نحنا إل عايشين فيها ...وبدنا نرويها....

الراوي لكن ......انا التاريخ.....

الناس والتاريخ ,,, صنع الناس
الراوي لاتخافوا ياهالناس.... عندي كل أساميكن ....
وأنا وحدي,, بسجل حاضركم .. وماضيكم ..
ماضيكم عايش فيي .... حاضركم شمسي وفيي
وأنا الزمان , القسوة والحنان ....
الفرحة والبسمة .... العبسة والهمسة ..
أنا إنتو ..وإنتو أنا ....إنتو بتموتو...وبظل أنا....
الناس هلق صار فينا نرتاح... ونقلك,, قول واشراح .... بس إياك شي مره تنسانا .. إياك شي مره تنسانا .. إياك شي مره تنسانا

(مع تكرار أقوال الناس .. يتلاشى الضوء مع إختفاء كل الناس عن المسرح .. ويبقى الراوي وحده )
الراوي بعرمان ... كان في مواسم قهر...وأسوار عاليه بتوقف أحلام الناس......
وسجانين ... وجلادين...وبشوات ...وسلاطين.....
وبين سهول الريح ... نبتت زهرة بأول عمرا ....كانت حديث الأزهار والطيور ....
وفجأة....هبت عليها الريح ... الريح إل كانت بدها تقطف عطرها ....
ويا زهرة إل بحقول الريح .....شو جايب معو هالريح ؟!
جايب معو سرّو..
وجايب معو سرها ...




المشهد الثاني

الساحة – التل ميثا – الراقصين

(تدخل الموسيقى مع مجموعة الراقصين ... تدخل ميثا تغني مع المجموعة )

الجوقة بعتمة الشوارع ... بنستنى المطر ..
وع بواب البيوت .. بينام الخطر ..
وبتموت المزارع ، وبيموت الشجر ، وبتنبت الظلمه .. وبيفل القمر ، وبيهرب الصبح .. وبيقولوا انتحر، وبتبطل الشمس .. تضوي ع البشر ..
وبينطفي القلب .. وبينتهي السهر .. وبيقطع الحب تذكرة سفر ..
وقلب هالناس ، بيبكي من القهر .. وبيصيح مجروح .. وينك يامطر ...

* * *
يابواب الصبح طلّي ... وياآهات الجرح فلّي ..
ويامواسم خير هلّي ... وياعصافير النور ظلّي ..
ويافلاح الأرض الخضرا .. لاتخلّي بالبيت الغلّي ..
هاي عساكر السلطان .. معهن جايبين السجان ..
عم بيدوروا وين ماكان ...
وياذلي تروح الغلّي ... وياذلّي تروح الغلّي ....
وياذلّي تروح الغلّي





المشهد الثالث

أي مكان الراوي – ميثا

(بقعة ضوئية على الراوي في الأعلى ... خلفية موسيقية )

الراوي الغلّه .. ثمرة عشق الأرض .. وزوّادة الشتا والبرد
هيِّ الفرح .. هيِّ العيد .. وهيِّ كل شي جديد ..
هيِّ الفي .. هيِّ المي ... لقلوب عطشانه ...
(تتلاشى الإضاءه على الراوي ... وضوح إضاءه على ميثا .. خلفية موسيقية حالمه " لربما ناي " )
ميثا البيوت زعلانه ع الناس إللي راحوا .. وبوابها غفيت وهي ناطره تيرجعوا ..
معقول بعد بيرجعوا ..!؟؟؟
وشبابيك مسكره .. والوردات دبلانه .. وبعدك ياسنديانه صامده بوجه الريح .. وبتكابري .. وهالقلب بعدو جريج ...
الراوي أهلك صاروا مأسورين .. بعاد عنك ، وعن هالديري بعيدين ..
روحي مع نسمة هالهوى .. بلكي الهوى بيجفف الدمعات ...
روحي لعندو حتى أهلك يرجعوا ..
راح يرجعوا .. وتحملهن الغيمات ...
ميثا صار الصمت ع شفاف الغنيات يرسم صدى حكايات .. وروايات ..
وصار الوجع يغزل قصايد خوف لعيون حيراني ، وقلوب عطشاني ، ماتعرف غير الآوف ...
واشهدي .. اشهدي ياسنديانه ..
وخللي أوراقك الخضرا اليوم تسرح شعرا ..
والأرض الحزناني ع الناس العرياني ..
اتحملني الأمانه حتى يعود طهرا ..
أنا لعندو بدي روح ....
الراوي والأسوار العالية .. بتخبي جواتا أحلام الوالي ، المتخبي بفياتا .. ومن الديري الغاليه .. يللي بنحلف بحياتا ، بياخد أموالوا وبيحرمنا مياتا ...
وجوات الأسوار .. النسمه بدها تفوت .. تحمل معها خبار ..
ومطلب حق ما بتفوت ......





المشهد الرابع
الساحة ميثا – الناس

ميثا وين راحوا النشامى ..!؟؟ وين راحوا أهل الدار ..!؟
ياسامعين الصوت ...
بكيت من حزني الحجار .. اليوم بيطلع فجر الثار .. تيحطم الأسوار ..
وين النشامى والأحرار ... إللي مابيهابوا من طعم الموت ....
الناس:
-
-
-
-
-
الصوت .. نحنا سمعنا ... وهالدار بتجمعنا
صوتك بيضلّو معنا
ومهما عرينا وجعنا ... مامنركع ياميثا ..
ميثا .. جينا ، لتلاقينا .. حب الدار ، عايش فينا ..
وحيطانها المهدمه ، نعمّرها بإيدينا ....
ميثا أنا راح روح .. بدي قابل الوالي ، ورحلو قصرو العالي ...
الناس:
-
-
-
-
-
-
كيف بدك تروحي ع قصرو العالي ، وبقهر الناس تبوحي ..!؟
هذا والي وطربوشو عالي ..
بقلبو صار حب الدم ... والدم ثمنه غالي ..
الوالي مابيفرج هم ..
الوالي سرق الصبح منّا
الوالي زرع الليل عنا ...
ميثا ياأهلي .. ياصخور الصم ، ومقالع نخوات .. بسواعدكم يروح الهم وترجع النجمات ..
أنا رايحه رجعها من قصر الوالي ..
وبدي هالأرض إزرعها لتضوّي وتلالي ...
الناس نحنا معكِ بدنا نروح .. ونحمل معنا بحر جروح ...
خللوا هـ الأرض تسمع .. وخللو عطر الدم يفوح ..
نحنا الشعب إل مابيركع .. نحنا الشعب إللي مابيركع ...




المشهد الخامس

سرايا الوالي ممدوح باشا – عبدو أفندي – قائد عسكر – الحاجب – الحاشية العثمانية – ميثا – وفد أهالي عرمان



ممدوح باشا نحن ممدوح باشا واليات .. نحن نمثل حكومات عثمانيات ..
عبدو أفندي ...
وين جبايات ..!؟
قائد عسكر ..
وين تجنيدات ..!؟
نحن نريد .. جبايات ... تجنيدات ....
تنفيذات .... !!
عبدو افندي يامولانا الوالي .. مصيبي هالأهالي ..
منطلب مال منهم .. بيطلعوا بالعالي ..
لازم نعذبهن ، وندفعهن غالي ..
لازم نفهمهن ، باسم الباب العالي .. يامولانا الوالي ..
ممدوح باشا تمام تمام .. عفارم عبدو أفندي ..
قائد عسكر ..!! إنت جبار .. بدنا منك شي أخبار ..
أخبار بتملّي هالدار ...
قائد عسكر ياوالينا .. اطلوب اتمنى .. راح بتلاقي المطلب عنّا ..
وبواريدنا ملياني ، وسياطنا عطشاني ، لظهور الناس العرياني ..
لضربة سوط من عنا ...
ياوالينا .. اطلوب ، اتمنى ، ماعاد فينا نستنى ...
ممدوح باشا قائد عسكر ، دوم بيسهر ع قضايا عثمان ..
راح إتصوّر إنّو بيقدر ينفذ كل فرمان ...
عبدو أفندي يامولانا الوالي .. إل حامي الباب العالي ..
قائد عسكر .. راح بيقصّر بتنفيذ الفرمان ...
نحن عبدو أفندي .. بتلاقو المطلب عندي ..
لا تخلّي قائد عسكر بهالأمر يتدبّر ، ويفكّر حالو عثمان ...!!

قائد عسكر يامولانا .. لا تنسانا ... عبدو أفندي .. يتحدّانا ..!!؟؟
نحنا أقوى بفتوانا .. خلّيه هوّي يقعد يسكر ...
ممدوح باشا حوارات تافهات ... ترّهات ..
نحن نريد تنفيذات عاجلات ..
نحن باب عاليات ..
نحن نفرض فرامانات ..
كل واحد مابيدفع .. كل واحد مابيركع ... بإعتباراتنا ... مات ..!!
الحاجب يامولانا الوالي ... جاي وفد أهالي ..
ممدوح باشا وفد أهالي ..!؟ فايت سرايات ..!؟؟ هذا ممنوعات .. حضرتنا مش فاضيات ...
تقليعات .....
الحاجب يامولانا الوالي ... جاي وفد أهالي .. وعلى رأسهم حرمات جميلات .. فاتنات !!
ممدوح باشا حرمات .. جميلات ..فاتنات ..!!
إدخالات عاجلات ...
(تدخل ميثا وخلفها وفد أهالي عرمان )
ميثا ياحضرة الوالي .. يامّثّل باب العالي ...
أنا صوت الأهالي .. الداخل جوه قصرك ..
عندي مطلب غالي .. وغيره مابيحلالي ..
إنو تفك أسرك عن أهلي الغوالي .. إل غابو في الليالي ...
وإللي ساقهن جندك .. هني اليوم بأسرك .. هني داخل حصنك ..
وهذا مطلب غالي .. مابيتحمّل صدك .. ياحضرة الوالي ...
ممدوح باشا (يهمس بأذن عبدو أفندي )
عبدو أفندي ..!!
صبيات جميلات ، جريئات .. أنا بدّي هاي صبيات ..
عبدو افندي يامولانا .. طوّل بالك .. بالشدّه نحنا رجالك ..
لكن هالأمر خطير .. لزوم نعالجه بالتفكير ..
هذا الشعب .. طبعه صعب .. وهذي البنت .. سرها كبير ...!!

ممدوح باشا نحن واليات .. بالحرب نعطي قرارات .. بالحب نعطي قرارات .. هذا مابدو تفكيرات .. نحن .. بدنا هاي بنات ..
(يقترب ممدوح باشا من ميثا ويدور حولها يتأملها )
... تكرمات أسماء حضرات .. ومن أي ناحيات أنتم ..!؟
ميثا أنا إسمي ميثا .. من قرية عرمان ..
وبيي إسمو حسين الأطرش .. فارس الفرسان ..
بيي كان ومن زمان ..يفتح بيتو لكل جوعان ..
كان قلبه كله رحمه .. وكان الداخل بيتو يحمي ..
وياما وبسنين المحنه ... كان يطعمي مين ماكان ..
............ أنا الضحكه المرسومه ع شفايف حزينه ..
عتّم دهري بعيوني ، واسودّت أحلى سنيني ..
أهلي راحوا بعتم الليل .. قالوا جرتهم الخيل .. صوب سجونك وحصونك ..
ومن بعدا ذقت الويل ..
والدّلّه عنا بالدار بتسأل عنهم .. الفكر احتار
ياترى مافي أخبار عللي جرفهم السيل ..!؟
صارت حزينه هالدار وقهوتنا من غير هيل ..
وياويل الظالم ياويل ...
ممدوح باشا تشريفات .. تشريفات ..
بس نحن عنّا طلبات .. لازم تكون مجاباة .. إذا صارت مجاباة .. أطلقنا سراح أهاليكم .. أكرمنا حرمات ... ورفعناكم مقامات ..!!
ميثا صار في طلب ..!!
شو هوّي الطلب ..؟؟
ممدوح باشا نحن بدنا زواجات .. منكم ..!!
أهل عرمان :
-
-
زواج ..!!
زواج ..؟؟ زواج ..!؟؟
ممدوح باشا هذي طلبات واليات نحن ...
ميثا ياأهلي .. عليَّ استنوا .. وردّي لا بد منو ..
(لنفسها)
مابصدق شو عم بيصير .. طلب الوالي صعب كثير ..
هالشغله بدها حيله .. والحيله بدها تدبير ..
ياميثا وقعتي بحيري .. والحيري بدها تفكير ..
(للوالي)
ياحضرة الوالي .. هذا طلب غالي .. وما خطر ع بالي ..
اسمحلي ياوالي ... شاور الأهالي ...
مشاورات ..!!؟؟
موافقات ..
(تتحرك ميثا بإتجاه أعيان الأهالي وتهمس بآذان كل منهم وكأنها تعطيهم أمرا ما..)
ثم تعود للوالي ...
ياوالي .. أنا مهري غالي .. والغالي بده غالي .. وأنا جبيني عالي ..
بس عندي طلب ...
ممدوح باشا قولي طلبات .. عنا راح بتكون كلها مجاباة ..
ميثا نحنا في عنا أصول .. نحيّد عنها مش معقول .. أمرها ماهو مجهول ..
كل الديري بتعرفها .. ومافينا نخالفها ...
أهل عرمان:
-
-
-
-
-
-
والأصول المحتدي ..؟
دوم بدها كدّي
والكدّي عنا بتقول ؟
جمع رجال زندها مفتول ..
يروحوا لوالد العروس .. وكلمتهم قرع طبول ..
والكلمه يعني أكيد .. وعنها هوّي مابيحيد ...
ميثا كلمه بتشبه يوم العيد ..
وبعدها ياوالي .. بتحلى كل الليالي .. ونجم العرس بيلالي .. بيعلا صوت البواريد .. وبواريد بالعالي .. واقفه بتستنى قدوم العريس الغالي ..
وبقدوموا راح تتهنى ..
وسيوف العز بتلالي .. بالعرس راح تتحنّى ..
وهذا العرس ياوالي ... وعجّل روح لعنّا ...
ممدوح باشا عظيم .. عظيم .. طلبات مجاباة ..
قائد عسكر ... افرج عن اهليات ..
روحوا أنتم بلدات .. ونحن نبعث لكم كدّات ووفدات .. تشريفات ...
عبدو افندي ..!!
تنفيذات عاجلات ... فوريات ...









المشهد السادس

أي مكان الراوي – ميثا

الراوي مسكين هالوالي ...
راح يصير عرسو دم ... عم يتطلّع بالعالي راح يندم ...
ياتاريخ العز ... سجّل ... راح يزول كل الهم ...
ميثا ملقاكم ساحة عرمان .. الساحه إل فيها شجعان ..
وجنودك ياعثمان ....... إل حاميها بالفرمان ..
رايح منّا تتعلّم ............ رايح منّا تتعلّم ....



المشهد السابع

ساحة عرمان ميثا – الناس

الناس :
-
-
-
-
-
ياميثا شو صار ..؟؟؟ لازم نعرف منك ..
نحنا كلنا أهل الدار .. إنتِ منّا ، ونحنا منك
شو عملتي ياميثا ..؟ فوق .. عندو بحصونو ..!!؟؟
قالوا إنك وافقتي ، يحطك ع رموش عيونو ..!!
وكيف بالشرف فرّطتي ..؟ والشرف نحنا نصونو ..!!!؟؟؟
ميثا هذي كانت حيله منّي ... حتى زيح الوالي عني ..
أنا كنت بحصونو يللي أسوارا من حديد ، ومثل شي عصفوره حولها سور من بواريد ...
الناس :
-
-
-
-
-
-
-
بنات:
-
يامحلاكي ياميثا .. ياأذكى صبيّه ..
وبدبارك ياميثا .. حلّيتي هالقضيه .. وطلعتي من حصونو إل كنتي فيها مأسوره
ياميثا شو منساوي ..؟؟ والغاصب ع الحرب ناوي ..؟؟
الحمله جاي .. طالعه من حصونو ..
بدنا نردها .. والشرف بدنا نصونو
ياديرتي نحنا رجالك .. مامنخلي حدا يطالك
نحنا سهولك وجبالك ..
نحنا فيكِ النسمات .. نحنا فيكِ الوردات
نحنا منظل رجالك ...
ميثا ياأهالي الضيعه ..
إنتوا ياأهالينا .. نحنا هون عشنا .. نحنا هون ربينا ...
يامحلى لمّتنا تحت شمس هالضيعه
وشمسك ياهالضيعه ع طول تدفينا ...
خلّوها إيدينا ... تشد ع إيدينا .. وإذا ما ضحّينا ، شو بدنا بعيشتنا .. ؟؟
الناس هاي اسما ضيعتنا .. نحرسها بعينينا .. نحنا فيها ولدنا .. وانكتبت أسامينا








المشهد الثامن

في الفراغ الراوي – كل الناس

الراوي بخرابك ياعرمان ... اتلاقت كل الفرسان
اشهد .. اشهد يازمان ...
ميثا نزلت ع الميدان ... سعدى ملاعب عم بتحارب .. وبتنخي رجال الطوفان ..
وحملاتك ياعثمان .. يتصدولا هـ الشبان ..
وفرسان تزاحم فرسان ..
والميدان ساحة نار .. وحجاروا صاروا ثوار ..
تهب تساعد هالأحرار ..
وزغاريد البنات .. تهب مثل هالنسمات ..
وتكتب ع جبين الثورات .. كلمه .. حبرا هـالنخوات ..
والنخوات تزيد .. وتزيد ..
وجنون الوالي يحتد .. وحملاتو تكثر من جديد .. وبالتالي ترجع ترتد ...
ياهـ الرجال الشعلاني .. بحب الأرض العطشاني ..
فيكم نعتد .. فيكم نعتد ..





المشهد التاسع

في فراغ آخر ميثا

ميثا شعلت ديرتنا بالنار .. وصار النار يولد ثار ..
وكثرت عنا هالأخبار ... وأحرار تولد أحرار ..
وكثروا حبال المشانق .. وجو الديري صار خانق ..
وين القوه ياخالق .. لتزوّد فيها الثوار ...
وليل طوى معو ليل .. ووالي جر معو والي ...
ورجال تزور المشانق .. وحبالها تصير تعانق
وثوار قتلوا بالساح .. ملّوا كل الدنيا جراح ..
والغاصب عمرو ماارتاح ..
راح ينزاح ظلم الغاصب ..؟؟؟؟
راح ينزاح ...!!






المشهد العاشر

ساحة المرجه – دمشق سامي باشا – الثوار – المشانق -
الأهالي – الحاشية التركية – العسكر
السجان – ذوقان – ص/ سلطان –

سامي باشا سكوتات ..!! نحن ..!! سامي باشا الفاروقي واليات .. نعلن .. هذي لحظة إعدامات ...
عسكر ..!!! إحضارات ...
الثوار يابلادنا ويارجالنا ... نحنا لكم .. وإنتوا لنا ..
ع الموت نمشي مقيدين ... تفديكم والله رقابنا ...
سامي باشا مشنقات .... إستعدادات ..
المشانق من سنين طوال .. طوال .. قلوبنا عطشاني ..
وحبالنا .. بتستنى هـ الروس العرياني ..
إنت ياهـ الرقاب عنّا .. وبدمك راح نتهنّى .. وبطونّا جوعاني ..
الثوار يامشانق ...!! نحنا جينا ، نطلب موت بإيدينا .. هالوطن غالي علينا ..
نحنا فيه اتربينا ..
نحنا رجال إل بدها تطال راية عز أهالينا ..
ويامشانق جينا .. جينا .. جينا ...
المشانق ياثوار ... مهما صار .. لا تلوموا .. هـالوالي .. ظلموا جار بسجونو ..
وعيونو .. دوم تغار من الأحرار .. صرخة ثار بتخليه يجن جنونو ..
السجان ياذوقان .. شو بدك .. ؟ قبل الموت مايهدّك .. هيِّّ رغبة وحيده ،
وهذا الأمر بإيدي ..
خللي الطلب يكون زغير ..
هيك منعمل بالإعدام .. مع الشب ، مع الكهل ، مع الكبير ...
ذوقان الأطرش
أنا بدّي شوف إبني .. سلطان .. بدّي وصّيه وصيّه .. وصيّه وصّاها بيي ..
الأهالي هات وصيتك ياذوقان .. بدّه يحملها سلطان ..
هيي وصيّة الفرسان إل وصّوا فيها من زمان ..
هذي وصيتك ياذوقان .. تخلق نقمة ع العدوان ..
يافرسان العز هبّوا .. هبوا .. جاييكم سلطان ...
ص/سلطان بيّي .. ياشمس الحق المضويّه .. ياصخرة عز .. دوم تهزّ هالدولة العصملّيّه ..
بيي .. ياسبع الغاب .. إل مابيهاب مشانق العثمانية ...
ذوقان ديرتك ياابني .. بزندك احميها ..
هالأرض ، أرضك .. حبك اعطيها
أرض الشهامه والكرم .. أرض النعم ..
بإيد الأعادي لا تخلّيها ..
أرض الوطن ، تذوق المحن .. ليل العدى يغطيها ..
كون الحلم .. كون النجم .. يضوّي ياابني عتمة لياليها ...
سامي باشا مشنقات عاليات .. دقّت ساعة الميقات .. إبدأ إعدامات ...
ص/ ميثا (صرخة من أعماق الكون)
........... لالالالالالالالالالالالالالالالالالالالا

المشهد الحادي عشر

في الفراغ ميثا – الراوي – الناس

ميثا غدّار بعدك يازمن غدّار .. يارجال لا تموتوا .. إنتوا سند للدار ..
ياابطال .. بتظلّوا بعين الأعادي كبار ..
درب المجد تمشوا .. والغاصب دربو العار ..
وغدّار بعدك يازمن غدّار ...
..... بكير بعد ياعمر بكير .. بيكفّي قهر .. بيكفي بكى وتعثير ..
بكير بعد للصبح يمحي دُجى ..!؟؟ بكير صرت يافدى ..!؟؟ ... بكير ..!؟؟؟
صار القهر ، رحلة عمر .. صار الأسر ، يصنع أسر ..
صار الدهر ، موسم قهر .. وحلمك ياأرض بعدو زغير ..
حلمك يارأرض راح يكبر .. وعتمك ياليل .. راح يزغر ..
صرخة فدا ، ترد العدا .. تهدم قلاع هـ العسكر ...
وبكير بعد ياعمر بكير ...
الراوي ياتاريخ .. سجل قول .. صوت الحق إل مابيزول ..
سجل ياتاريخ الناس .. ليل الغاصب مالبيطول ..
كل واحد هوّي نبراس .. سيّل دم العادي سيول ..
سبع رجال .. سبع جبال .. هنّي قدوه .. هنّي مثال ..
راحوا يلاقوا طعم الموت .. لفيكم يكبر هـ الصوت ..
صوت الحق .. إل راح يشق .. صدر الغاصب والمنشق ..
ويملوا هالساحة خيول ..
سجل ياتاريخ وقول ..
بهالمرجه انقتلوا رجال .. صاروا قدوه للأجيال ..
ياأجيال هبّي وثوري ..
إنتوا للثورة اشبال .. ونحنا للثورة رجال ....



شهد الثاني عشر

التل ميثا – الناس

ميثا والناس
اشتدّي ياهـ الريح ..
وشتّي ياغيمات ...
وفوق تلال الشيح ... غفيت الظلمات ..
وصوت الأرض يصيح ..
يجرحنا ، تجريح .. يموّت الدمعات ...
واشتدّي ياهـ الريح ...
وروحي ياعبسات ..
فرحينا تفريح .... رجعي هـ الضحكات ..
واشتدّي .. اشتدّي ياهـ الريح ...
وندّي ... ندّي .. ياغيمات ....






شهد الثالث عشر

أي مكان الراوي – بستان

الراوي راح نحكي قصة جديده ... والقصة بتقول ..
كان ياماكان ...
بستان وقف عندك ... ماتكفّي ..
خلّيت العقل بكفّه ...
في حكايات منسيه .. وبّطن النسيان مخفيّه ..
بشوفك دوم بتخفيها .. وبّطن العتمه تخبيها ..
أنا بدي إرويها ... صار لازم احكيها ....
الراوي وإنتِ مين ..!!!؟؟؟ وشو عرّفك فيها ..!!؟؟
أنا وحدي إل بعرف حاضرها وماضيها ..
في غيري بينسجها .. وأنا وحدي برويها ...
بستان أنا حكاية مخبّايه ، ماحدا رواها ... وصوت الحكايات المخفية للناس المنسيه ..
والردى طواها ...

الراوي (مفكرا يحاول أن يتذكر)
بستان أنا صوت بنت صبيّه .. ولازم تعرفوها ...
كانت زهره مضوّيّه .. وكان جبر أخوها ...
(للراوي) ... راح تسمحلي إرويها مش هيك ..!؟؟؟
ريحة المسك ماضيها ...
ماتخاف ... معليك ..!!!
الراوي كيف مابخاف ..!!؟؟؟؟
في ناس بيمحوني .. في سيّاف ، وألف سياف بيطفّوا نور عيوني ..
ومابعود أعرف غير الخوف ... والناس بيلوموني ...
بستان الناس مابيلوموك ...
بس بتلومك العصايه .. وياما تحت جناحها خبّت ألف ومليون حكايه ..!!
حكاية شيخ زرّاع ... عم بيقولوا زراع ... زراع ... وزرعك لعندي جاي ...
الراوي (مستسلما) .. رويها ومش راح خاف ...
أنا رايح ... وإنتِ ظلك لتحكيها ....
بستان (وهي ترمقه بنظره إشفاق وهو يغادر ... تعود للجمهور)
الحكاية ... حكاية بنت صبيّه إسما ... بستان .. بستان من ضيعة عرمان ..
نذرت نفسا لعشق الأرض ، وحلفت براس خيّها جبر ..
إنّو تظل أقوى من الصخر ...
وآه يابستان ... من ثعالب الزمان ..
جبر شب .. وشب ع الحريّه .. شاف الأرض سودا .. وحقولها مسبيّه ...
وقالوا ... إنّو سمع صوت الأرض عم بتقول ... نسيتوني ... ؟؟
نسيتوا شجراتي الحلوين .. ؟؟ وتيني وزيتوني ..!؟؟
وكان الصوت يعلا، وحب الأرض يغلا ...
وقرر جبر يتحصّن بالمُغُر ..
وعند الفجر .. ينزل مثل نزلة شي قدر .. بلمح البصر ... يمحي جنود عثمان ..
وراحت الأيام .. وكان فراشه هـ الأرض ، ومخدته صوان ..
وكان وياماكان يغزل بإيده نجمة صبح ...
وآه يابستان من ثعالب الزمان .. طبع الغدر فيهن .. مرسوم ع عينيهن ..
وبليلة كانت ليلة ريح ..
هبّت ثعالب من وكارها توشي ع جبر .. وطبع الوشي كارها ...
مسكوا جبر .. وكان نايم ع بيحلم بالفجر ...
ياميت كلمة آوف محمولة ع شفايف هـ الناس يلّي بميّة القهر مغسولة ...
وجنود تحمل راس جبر .. وبواريد ع زنود الغدر مشيوله ..
نزلت عند بستان لتقلها .. هذا راس جبر ولاّ ..!؟؟؟
بستان صارت بحر طافت مواجه .. بتشوف راس جبر محمول ع بواريد ..
بواريد بتقلها ... هذا راس جبر ولاّ ..!؟؟؟
بستان عرفت جبر ... بستان عرفقت جبر وصوت من جوّه حشاها بيقول :
هذا جبر ....
وصوت الأرض ناداها .. جبر مابيموت ... جبر صوت البشر ، والصوت مابيموت ...
الحكاية ، إلها نهاية ... والنهاية .. جايه .. وجايه ..



شهد الرابع عشر

ساحة عرمان الشاويش العثماني والعسكر
أهالي عرمان – بستان

عسكري تجمعات ... تجمعات .. أوامر عاليات ..
(يجتمع الأهالي بفضول ) ...
( يتقدم من الشاويش مزهوا ) ...
تمام أفندم ...
الشاويش إقرأ فرامانات ...
العسكري باسم باب عاليات .. نصدر فرامانات .. الأسباب .. كثرت عصيانات ضد حكومات عثمانيات ...
أولاً : دفع جبايات ، وفرض غرامات ..
ثانياً : ملاحقات خارجين عن قانون ..
ثالثاً : تم إلقاء القبض على واحد من عصيانات خارجين عن قانون ، وتم عاجلاً قطع رأسه وجعله عبرات معتبرات لكل متمردات .. اسمه .. جبر شلغين ..
الناس
-
-
-
جبر ..!!!!
جبر مات ..؟؟؟
جبر مات ..!!
بستان لأ ..... لأ ... جبر مابيموت .. إنتوا راح تموتوا ...
جبر فوق بالمغر .. اسألوا عنو الصخر ...
جبر صوت كل البشر .. ومافيكم ع كل البشر ..
الشاويش حرمات .... سكوتات ..
الناس
-
-
-

-
أنذال ..
غربان سودا
تفو ...!!
(يندفع شاب بكل الحماس والنخوه هاجما على العسكر ببسالة )
يامستعمر لا تتهنّى ، وبموت جبر تتغنّى .. واستنّى علي استنى ...
(يتلقفه العسكر بحراب بنادقهم حيث يقتل على الفور .. وينسحب العسكر مهددين )
(جموع الناس تتقدم من الجثه الهامده المكومة على المسرح .. يحملوه مشكلين نعشا له من مذاري البيادر التي بأيديهم ... بينما بستان تغني بشبه هستيريا تمتزج فيها النخوة بالقهر )
بستان هبّوا .. هبّوا .. لا تستنوا ..
لا تخلّوا العسكر يتهنّوا ..
غنّو .. غنّو .. لا تهتموا ...
الثورة هلّت ... ورجالها طلّت ..
واتهنّوا .... اتهنّوا ...







المشهد الخامس عشر

أي مكان ميثا – الراوي – الناس

الراوي صرخة هـ الضيعة .. اتحوّلت صدى ..
والصدى يودّيها لأبعد مدى ...
وبجوانحو يغطيها ، يحميها من الردى ...
ميثا ومن ديري لديري .. يصير يرويها .. وكل ديري بتعطيها زغرودة فدا ..
الراوي ياعثمان .. ثار البركان ... البركان إل صرلو زمان ..
ميثا وقصورك ياعثمان .. يللي معليلا البنيان .. بدّا تولّي .. وظلما يولّي ..
وتغرق ببحر النسيان ..
الناس وياأحزان الناس ... فلّي ...
وفلّي ياأحزان ..
الراوي ومن مكّة طلعت طلقه ..
وكانت طلقة مسموعه ...
أطلقها الشريف حسين ... حتى للناس توعى ..
ميثا وللبكري يللي يللي بالشام .. قام وبعثلو وصيّه ..
ليرسل الفرس الشقرا .. إل صارت رمز الحرية .. وهيِّ كانت كلمة سر ...
بداية الثورة العربية ...
الناس بداية الثورة العربية .. بداية الثورة العربية ..
الراوي وفرسانك ياشريف حسين .. راحوا ليوفّوا هـ الدين ..
وصار اسمن .. جيش الشريف حسين .. يتنقّل محروس العين ...
الناس
-
-
-
-
-
للعقبة وصل لمعان ...
وحط رحاله في عمّان ..
وبعدا راح صوب الأزرق ..
ومفرق يودّيه لمفرق ..
واتوجّه صوب درعا ...
ميثا ومن درعا ن صار يسارع ...
لوصّل جبل المانع ...
الراوي ومن بعدا فات ع الشام ...
وطير وزغرد ياحمام ..
الناس
وطير ورفرف ياحمام ...
وغني فوق ربوع الشام ...
ميثا ولعندك وصل ياشام ..
سلطان ومعو رجاله ..
حامل بإيده وصيّه ..
وصيّة هـ الأرض العطشى ... بتستنّى نتفة ميّه ...
الراوي وع سفوح جبل المانع .. صارت العمايم تصارع .. وتسد فواه المدافع ..
وصارت هيّ المدافع ..
تطلق هـ الفرسان ع الشام ..
ميثا والعلم إللي كان مرفوع عم بيرفرف ع البنيان .. هوّي علمك ياعثمان ...
طلع ونزّلو سلطان ...
الراوي ورفع علم العز .. عزّة رايتك ياأوطان ..
الناس عزّة رايتك ياأوطان .. عزّة رايتك ياأوطان ...
ميثا وياديرتنا .. راح الليل .. إل كان معتّم علينا .. ورجع السيل يعمل سيل ...
يسقي ورود روابينا ...
الراوي وقهوتنا يطيبها الهيل .. تطيّب ريحة بوادينا
ميثا والوالي .. وبابو العالي .. فلّوا عن أراضينا ..
الناس واتوّج فيصل ع الشام ..
وطير وزغرد ياحمام ..
الراوي وصارت ترقص هالمرجه .. والبهجه تخلق بهجه ..
وصرتي يامرجه فرجه ... منبت زنبق وريحان ..
ميثا والدبكات الحمياني .. والزغاريد العلياني .. تملي هالدنيا غناني ..
وترقص كل الشبان ..
الراوي هيك ياديرتي عرفناكي .. راية عز بسماكي ..
ياطبول الفرحة دقّي .. وياعيون العِدا طقّي .. واليوم أحلى ليالينا
ميثا وياصبايا .. يالله ع الدبكي ..
بدنا نفرّح أهالينا ...






المشهد السادس عشر

ساحة المرجة – دمشق كل الناس

(تدخل مجاميع الناس .. وفود تمثل فلكلور كل المنطقة)

الوفد1 ويل ويلي الله يديمك وطنّا ... ويل ويلي فيك بتكبر فرحتنا
ويل ويلي بنغنّي لفرحتنا ... ويل ويلي فيها بتكبر عزّتنا
الله يديمك فرحتنا .. الله يعزّك ديرتنا
ويحميكي من غدر الليل ... وتبقي إلنا محبتنا
تحمي حصون أمتنا .. ونحملها ع ظهور الخيل ..
الوفد2 هلا .. هلا بك حبيبي ... ويامداوي جروحي وياطبيبي
نحنا ع المحبة ربينا ... أبد ما ننسى ماضينا
وياشمس عمر لااتغيبي
هلا ياقلوب عطشاني .. بالحب الديري شعلاني
والهيل ع الدله غناني ... بيقول يادنيا طيبي
الوفد3 من مفرق جاسم للصنميني ... جينا لنساهم بالفرحة ياعيني
حبك ياديري دوم يغطينا ... فرحة يعطينا ، وكحله للعيني
الوفد4 من الشام ومن الأرض المعهودي .. جينا هون تنشارك بزغرودي
وأرض الشام بتغني فرحتنا ... والسلام عنوانك ياديرتنا
والحمام عشّه فوهة بارودي





ختام الفصل الأول

 



أضف الى المفضلة (0) | أضف الى موقعك | المشاهدة: 3880

  التعليقات (3)
الإشتراك في RSS للتعليقات
 1 مصر
أضيف بواسطة طارق الخطيب, في 17-03-2012 12:21
:) :) المخرج ممدوح الاطرش انسان بمعنا الكلمة وفنان متنوع وقد التقيتة مرتان في السويداء ويحمل حسا مرهفا تحياتي لك من مصر \ابن السويداء قرية شعف بطل العاب القوة الخارقة طارق الخطيب
 2 السعوديه / جده
أضيف بواسطة ورد السعوديه, في 22-09-2011 16:12
الشكر الجزيل ع العمل الاكثر من رائع(المسلسل الدرامى السورى الكوميدى الخربه) ولكل من قام عليه وعلى نجاحه ..ويستحق اكثر من خمس نجوم وانا ارشحه كرقم 1 لافضل مسلسل ناجح تم عرضه لهذه السنه بتمنى لطاقم مسلسل الخربه وعلى راسهم الفنان القدير ممدوح الاطرش التوفيق و النجاح الدائم والمزيد من التألق :)
 3 دمشق
أضيف بواسطة ممدوح الأطرش, في 22-09-2011 11:35
بداية سعدت جدا لتألق موقع عرمان ..وكل الشكر الى القائمين على هذا الموقع لإهتمامهم بأبناء عرمان بلد الأصالة والشهامة .. واني لأعتز وأفتخر بانتمائي الى عرمان حيث ولدت وعشت أجمل أيام طفولتي ..!!! 
وما عرمان الا عنوانا مضيئا منيرا لجبل العرب الأشم ...!! وما جبل العرب الأشم الا عنوانا مضيئا ومنيرا لسوريا الحبيبة والغالية على قلوبنا جميعا .. 
سوريا عنوان العروبة والأصالة

أضف تعليق
  • من فضلك اضف تعليق يتناسب مع الخبر.
  • أي اهانات أو شتم سيتم حذفها.
  • لا تنس اضافة الكود الأمني الموجود بالأسفل.
الإسم:
البريد الإليكتروني
الصفحة الرئيسية
العنوان:
BBCode:Web AddressEmail AddressBold TextItalic TextUnderlined TextQuoteCodeOpen ListList ItemClose List
التعليق:



الإشتراك في التعليقات حول هذا الخبر على البريد الإليكتروني

 
< السابق   التالى >

فيس بوك


الدخول للموقع

اسم المستخدم

كلمة المرور



هل نسيت كلمة المرور؟
لا يوجد لديك حساب ? انشئ حساب الأن
site seal
[+]
  • Narrow screen resolution
  • Wide screen resolution
  • Increase font size
  • Decrease font size
  • Default font size
  • fresh color
  • warm color