[انور الزغير]

هذه القصيدة للاخ الحبيب الشاعر سامر الجرمقاني عرمان وهو واحد من اجمل الشعراء في بلدنا الحبيب




-

ياليل مشانــــا الهوى---- يـــــــا ليل ضيعنا الهوى

ياليل فيقنــــــا الحلم ------يــــــــــاريتنا بقينا سوى

ودموعنـــــا ياليلنــــا -----تبكي على حظٍ لــــــــوى


*************

اطفال وبعمر الصبا ----بأيــــــــــام من زهر العمر

والحب عنا مرحبا----- ما منعرف فنون الــــــغمر

العشاق كنا نراقبا---- ونلوذ باغصـــــان الشجر

ساعة محبة مااطيبا---- الاثنين عا حرّ الــــــجمر

بتداعبو وبيداعبا------ بنهدات بتفتّ الــــــصخــر

بس الزمن جار الزمن وتفرقوا اهل الهوى


**********************
صرنا عمرنــــا نحسبو--- كم شمعة بالغربة انطفت

وكتــــــــابنــــا منقّلبو---- صفحــــــــات بالهم انتلت

كل مين لاحق مذهبو ----مسكين قلي شو عملت

والحب بدو مطلبــــــو ----ازهـــــــــــار دوبا فتّحت

وزهــورنا يا ليلنــا ذبلــت على غصن الــنــوى

************************