آدم و حواء معاً ... في حديث من القلب

[أنا الغالية]

بسم الله الرحمن الرحيم



السلام عليكم ورحمة الله وبركاته







آدم اسمح لي بإقتحام عالمك في محاولة لطرق أبوابه..
في نثر متواضع لعله يروق لك..
هنا ستعود ذاكرتك للطفولة وستتكلم عن مرحلة الشباب والنضج
لتختمها بحديث عن نصفك الآخر حواء..
ولنبداء بطرق عالم كل مرحلة..



ع بث الطفولة


*مكان الميلاد أين كان؟
*حياة الطفوله من كان المؤثر الأول بها؟
*موقف من الطفوله مازال عالق في ذهنك؟
*هل كان يوجد معامله مختلفه كونك ولد عن باقي اخواتك البنات؟
*اليوم الدراسي الأول هل تتذكر حالك فيه؟
*عبث الطفوله كيف تصفه في بضع كلمات؟
*أصدقاء الطفوله هل مازلوا على تواصل؟



ع نفوان المراهقة



*أول سياره أمتلكتها في أي سن؟
*ماهو نوع سيارتك الأولى وكيف تعلمت القياده؟
*مرحلة المراهقه كيف كان تعامل الأهل فيها؟
*غالبا مايكون الحب الأول في مرحلة المراهقه فكيف تصفه إن وجد؟
*إلى ماذا كنت تطمح وهل وصلت لطموحك؟
*عنفوان المراهقه مالذي تبقى منه اليوم في ذاكرتك؟


نظرة الرجولة


*كيف هي نظرتك للحياة اليوم؟
*كيف هي حياتك بعد الزواج وتحقيق حلم الأبوه؟
*هل وجدت حلاوة المسؤليه مابين واجباتك العملية والعائليه؟
*هل ستربي أبنائك بنفس أسلوب تربية والديك لك؟
*ماأكثر مايشغلك تفكيرك في ظل مرحلة النضج؟


آدم و حواء


*المرأه ماذا يعني وجودها في حياتك اليوم؟
*من هي الشخصية النسائيه التي تعجبك؟
*من هي المرأه التي تود أن تكون قدوة لكل نساء الأرض؟
*بعد الأخلاق الحسنة ماأكثر مايلفت انتباهك في المرأة شكلا؟
*مارأيك بالمرأه التي تشارك الرجل اهتمامته كمتابعة الرياضة وأخبارالسيارات؟
*الأم والزوجة كيف ستتعامل معهما عند الخلاف؟
*خانتك حواء فأصبحت مابين المنصدم والمنتقم كيف ستكون ردة فعلك؟
*بيت شعر تهديه لحوائك؟
*كلمة توجهها لحواء سواء كانت الأم أو الزوجة أو الأخت؟

حواءيآملكة الرومانسيه
يامن تدخلين البهجه على حياة آدم فكنت الام الحانيه والاخت
العطوفه
و الزوجه المطيعه والابنه الصالحه .. وجودك في عالم آدم
ضروري فأنت نصفه الثاني .. !!
حواء في هذه السسسطور سنتعرف على عآلمك الخاص الذي لايخلو
من الرومنسسيه ممزوجه بالششقاوه ومحلاه ببعض
من المصصاعب فلا طعم للحيآة بلا مصاعب ..
وسنبدآ بأول مرحله..

ع بث الطفولة


1/ مكان الميلاد أين كان؟
2/حياة الطفوله من كان المؤثر الأول بها؟
3/موقف من الطفوله مازال عالق في ذهنك؟
4/هل كان يوجد معامله مختلفه لاخوانك الذكورعن البنات؟
5/اليوم الدراسي الأول هل تتذكري حالك فيه؟
6/عبث الطفوله كيف تصفينه في بضع كلمات؟
7/أصدقاء الطفوله هل مازلوا على تواصل؟


ع نفوان المراهقة


1/أول مرة تضعين ميك اب في اي سن ؟
2/هل حآولتي أن تقودي سياره ؟
3/مرحلة المراهقه كيف كان تعامل الأهل فيها؟
4/غالبا مايكون الحب الأول في مرحلة المراهقه فكيف تصفينه إن وجد؟
5/إلى ماذا كنت تطمحين وهل وصلت لطموحك؟
6/عنفوان المراهقه مالذي تبقى منه اليوم في ذاكرتك؟


نظرة الانوثة


1/كيف هي نظرتك للحياة اليوم؟
2/كيف هي حياتك بعد الزواج وتحقيق حلم الأمومه؟
3/هل وجدت حلاوة المسؤليه مابين واجباتك العملية والعائليه؟
4/هل ستربي أبنائك بنفس أسلوب تربية والديك لك؟
5/ماأكثر مايشغلك تفكيرك في ظل مرحلة النضج؟


آدم و حواء


1/الرجل ماذا يعني وجودها في حياتك اليوم؟
2/من هي الشخصية الرجاليه التي تعجبك؟
3/من هي المرأه التي تود ين أن تكون قدوة لكل نساء الأرض؟
4/بعد الأخلاق الحسنة ماأكثر مايلفت انتباهك في الرجل شكلا؟
5/مارأيك بالرجل الذي اهتمامته كمتابعة الموضه والازياء؟
6/خانك آدم فأصبحت مابين المنصدم والمنتقم كيف ستكون ردة فعلك؟
7/بيت شعر تهديه ل آدم؟
8/كلمة توجهينها لآدم سواء كانت الأب او الزوج أوالاخ ؟





استفتح ب حواء وآختار
حبيبت قلبي ... غدوده
ووووو
أستفتح بـــ آآآآآآدم وأأأأختااااااااار
خيي وغاليي ... أبو السوس

يالله يا حلووين كلنا شوق لنشوفكم .. ونتعرف أكتر ع أجمل وأحلى مراحل بحياتكم ..
تحيتي ومحبتي لكم .... غاليتكم المحبه دوماااااااا وأبدااااااااا.

[Ghada Saymoua]

غاااليتي
داائمااا راائعة في اختياارك ....مزوءءة ...

ع بث الطفولة

1/ مكان الميلاد أين كان؟
نيجيريا
2/حياة الطفوله من كان المؤثر الأول بها؟
والدتي هي كل حياتي
3/موقف من الطفوله مازال عالق في ذهنك؟
رحلة العودة من نيجيريا الى سوريا
4/هل كان يوجد معامله مختلفه لاخوانك الذكورعن البنات؟
لأ ابدا لانو كنا بس انا واختي واخوتي متزوجون
5/اليوم الدراسي الأول هل تتذكري حالك فيه؟
والله للاسف مو متذكرة ههههه
6/عبث الطفوله كيف تصفينه في بضع كلمات؟
احلا ايام حياتي وياريتها ترجع
7/أصدقاء الطفوله هل مازلوا على تواصل؟

يعني مو الكل الحياة اخذتنا كل وحدة بمكان بس منتحاكى على المسنجر

ع نفوان المراهقة

للصراحة مابتذكر انو مريت بمرحلة المراهقة

1/أول مرة تضعين ميك اب في اي سن ؟
كنت اول سنة بالجامعة
2/هل حآولتي أن تقودي سياره ؟
قصدك انو حاولت زمان قود سيارة بقلك لأ ماحاولت لانو كنت خاف من السواقة كتير بس هلق يخز العين عنّي بسوق على سرعة ١٤٠ ههههه
3/مرحلة المراهقه كيف كان تعامل الأهل فيها؟
والله للحقيقة قلتلك انو مابتذكر مرحلة المراهقة بس انا من طبيعتي كتير صريحة مع اهلي لدرجة كبيرة واهلي مافي منهن

4/غالبا مايكون الحب الأول في مرحلة المراهقه فكيف تصفينه إن وجد؟
لايوجد
5/إلى ماذا كنت تطمحين وهل وصلت لطموحك؟
كان املي انو كمل جامعة لانو بعد بدي سنة وبتخرج بس الامل بعدو موجود وان شاء الله رح حققوا
6/عنفوان المراهقه مالذي تبقى منه اليوم في ذاكرتك؟
لايوجد

نظرة الانوثة
1/كيف هي نظرتك للحياة اليوم؟
دائماً متفائلة وبحب المرح والضحك ( اضحك تضحك لك الدنيا ) والحياة حلوة اذا قدرنا نفهمها..
2/كيف هي حياتك بعد الزواج وتحقيق حلم الأمومه؟
كتير حلوة والامومة هذه الكلمة الكبيرة ممزوجة بالحب والعطاء ...
3/هل وجدت حلاوة المسؤليه مابين واجباتك العملية والعائليه؟
الزواج مسؤولية لازم الوحدة تكون قدها ...
والمسؤولية كتير صعبة وخصوصا اذا كنتي عم تشتغلي مسؤولية البيت ومسؤولية الشغل كمان ..
4/هل ستربي أبنائك بنفس أسلوب تربية والديك لك؟
طبعاً لانها برأيي هيي التربية الصحيحة ..
5/ماأكثر مايشغلك تفكيرك في ظل مرحلة النضج؟

شو قصدك مرحلة النضج ما فهمت السؤال انا بيشغلني هلأ طبعاً مستقبل اولادي

آدم و حواء

1/الرجل ماذا يعني وجودها في حياتك اليوم؟
زوجي هو كل حياتي
2/من هي الشخصية الرجاليه التي تعجبك؟
زوجي
3/من هي المرأه التي تود ين أن تكون قدوة لكل نساء الأرض؟
ماما الله يخليلي اياها

4/بعد الأخلاق الحسنة ماأكثر مايلفت انتباهك في الرجل شكلا؟
مابعرف والله
5/مارأيك بالرجل الذي اهتمامته كمتابعة الموضه والازياء؟
لازم الرجل يكون مزوء باختياره لملابسه بس مو يخليها شغلتو وعملتو يعني مافي عندو هم غير الموضة
6/خانك آدم فأصبحت مابين المنصدم والمنتقم كيف ستكون ردة فعلك؟
الله يبعدها عنا

7/بيت شعر تهديه ل آدم؟

8/كلمة توجهينها لآدم سواء كانت الأب او الزوج أوالاخ ؟

بقلو حياتنا من دونكن ما بتكمل انتو الامان والحنان بحياتنا ربنا يديمكن لالنا ويديمنا الكن اكيد ..
بتمنا كون جاوبت على الاسئلة وكنت خفيفة وما كون ثقلت دم....
شكرااا حبيبتي غااالية ولكي مني كل الحب والاحترام...

[WiSaM R]

اهلين الغالية موضوع حلو ومش جديد عليكي ابدا
وردي متاخر كان بس لاترك المجال لغيري ليشوفو الموضوع
وبدي منك الغالية
بس خلص ردي انا تختاري عضوين جداد
الله يعينا مندخل على غرفة الاعتراف
---------------------------------------------------------------
اليوم:الخميس:7\1\2010
الساعة:01:33


ع بث الطفولة

*مكان الميلاد أين كان؟
بالامارات
*حياة الطفوله من كان المؤثر الأول بها؟
رفقاتي
*موقف من الطفوله مازال عالق في ذهنك؟
اي بتذكرو ومستحيل انسا:كنا عمنسرق حمص اخضر من الارض انا ورفقاتي وكنت جاي من الامارات جديد ومتعرف على شلة صيع هههههههه فقالولي مثل(اخضر ورقو حلال الي سرقو)jونحنا عمناكل اجى زلمي كبير وصار ياكل معنا ويهرجنا شو عمتعملو شباب فقلناله انو جينا ناكل حمص قال اي كلو بس ما تخربو لانو هي الارض ارضي(ملكي)هههههههههههه
شوفو ملا خجالي ههههههه
*هل كان يوجد معامله مختلفه كونك ولد عن باقي اخواتك البنات؟
اي فيه لانو كنت اكل كل يوم قتلة من الاهل بس لاني كنت ازعر بصغري
*اليوم الدراسي الأول هل تتذكر حالك فيه؟
اي بتذكر وكانت الانسة تحطلنا نجمات وقلوب على الدفتر
وتكتبلنا احسنت يا عصفورر ههههههههههههههه ورفيقي تكتبلو احسن يا ساسوكي ههههههههههههه
قال هذا حوافز لنشد همتنا بالمدرسة هههههههههههههه
*عبث الطفوله كيف تصفه في بضع كلمات؟
الي ما عاش طوفولتو وهي شقي معناتو ما عاشها يالله شو كنا نلعب والله لبليل نظلنا نلعب واهالينا يدورو علينا دوار مفكرينا مضيعينا
هههههههههههههههههههه
*أصدقاء الطفوله هل مازلوا على تواصل؟
اي اغلبهم كل ما روح على البلد بلاقيهم بس مو الكل لانو الي تزوج ما عاد عمرافقو بكون انتزع لانو هههههههههههه

ع نفوان المراهقة

*أول سياره أمتلكتها في أي سن؟
سيارة!!اول بسيكليت(بايك سيكيل) انا امتلكتو جابه الوالد من الامارات وكان اول بسكليت جبلي وعليه سرعات(البدانية عريضة ما تنسو) ههههههههههههههه هني بيعرفو شو قصدي
*ماهو نوع سيارتك الأولى وكيف تعلمت القياده؟
عزاقة عم سعيد كنا نسرقها ونسوقها انا وابنو والله هههههههههههه*مرحلة المراهقه كيف كان تعامل الأهل فيها؟
hmntهههههههههههه
*غالبا مايكون الحب الأول في مرحلة المراهقه فكيف تصفه إن وجد؟
حلو لانو بعلم كثير شغلات بلمستقل راح تكتشفن
*إلى ماذا كنت تطمح وهل وصلت لطموحك؟
انو يعيش الواحد حياة حلوة...........مثل هذا.>
*عنفوان المراهقه مالذي تبقى منه اليوم في ذاكرتك؟
ذكريات....................

نظرة الرجولة

*كيف هي نظرتك للحياة اليوم؟
مسؤولية كبيرة لكل شخص والله وبالاخص بالوقت هذا الله يعينا نحنا والله
*كيف هي حياتك بعد الزواج وتحقيق حلم الأبوه؟
اكيد راح تكون حلوة كثير
*هل وجدت حلاوة المسؤليه مابين واجباتك العملية والعائليه؟
اي والله هلق عمحس فيها وكثير مبسوط بهالمسؤوليةku1ykuk
*هل ستربي أبنائك بنفس أسلوب تربية والديك لك؟
الولد سر بيو(ابوه)اكيد راح يطلعي مثلي j
*ماأكثر مايشغلك تفكيرك في ظل مرحلة النضج؟
كل شي بهمني بحياتي المستقبلية

آدم و حواء

*المرأه ماذا يعني وجودها في حياتك اليوم؟
حياتي؟!!هي كل حياتي اليوم وكل يوم (الحياة كلها)
*من هي الشخصية النسائيه التي تعجبك؟
الي قلبها طيب وحنونة وووو........ku1ykuk
*من هي المرأه التي تود أن تكون قدوة لكل نساء الأرض؟
إميku1ykuk
*بعد الأخلاق الحسنة ماأكثر مايلفت انتباهك في المرأة شكلا؟
جمال الوجه
*مارأيك بالمرأه التي تشارك الرجل اهتمامته كمتابعة الرياضة وأخبارالسيارات؟
برأي انا.انا ما بحب تشارك مثل هيك اهتمامات ؟ليش؟ماراح قول خلي شي حدا يعمل موضوع على هالشغلة هههههههههههه
*الأم والزوجة كيف ستتعامل معهما عند الخلاف؟
بهالهداوة وبعيد عن العصبية
*خانتك حواء فأصبحت مابين المنصدم والمنتقم كيف ستكون ردة فعلك؟
الي بتخون معناتها هي ما بتحب وانا ما برتبط بوحدي ما بتحب لحتى استنى خيانتها
*بيت شعر تهديه لحوائك؟♥
ب♥♥ ح♥ ب ك♥ ♥R♥
*كلمة توجهها لحواء سواء كانت الأم أو الزوجة أو الأخت؟
انتو اجمل شي بالدنياااااااا

تحياتي للجميع والك الغاالية

[أنا الغالية]

أختي وعزيزتي ... غدودهhoh_55
أجوبه شفافه وصريحــه وجميلــه

مودتي لك يا غاليــه ..
نورتي .. أشكرك

شخصيه مميزززززززه جداااا .. واكييييد كلنااا عنااا فضوووول لحتى نعرفهاااااااااااا اكتر ..

هنــا ستشرفنــا حواء رائعــه بمعنــى الكلمــه

لنبحـر في عالمهــا الخاص ..
عاشقة الزهور .... hoh_55

ننتظر حضورك وكلنا شوق حبيبتي ....
يا هلااا وغلاااا ...

[أنا الغالية]

لك نورتنا يا أبو السوس ....
قرأت ردك أكتر من مره .. وبكل مره بحس اني بقراااه من جديد ..
وما فارقتني البسمه ابدااااا ... عجبتني كتير عزاقه عموو سعيد اسقالله ايام زمان شو حلووههه ... مااااااااااااا . .. j
دخلك لو هلأ تصحلك العزاقه بتركبهااا أبو السوس اما لأ !!! ؟؟؟؟
يا هلااا وغلاااا ... ومشكور لحضورك معنااااااااااا
لك أجمل باقه ورد ... hoh_55


وهلأ بدنا نستضيف معناااا شخصيه جميله بكل بكل ما تحملهااا الكلمه من معنى ....

أبو تميم ... خيينننا .. حاتم
يالله اتفضل يا بطل لهوني وعرفنا عا نفسك اكتر ....
كلناااا شوق لحضورك
يا هلااا وغلاااا ... ku1ykuk

[WiSaM R]

اجمل شي العزاقة هههههههههه طبعا راح اركبها ولو
ههههههههههههههههههه
الكبرة لـ الله

[حاتم العطواني]

يالله يا كريم

ع بث الطفولة

*مكان الميلاد أين كان؟
- مكان الولادة إمارة العين في الامارات بتاريخ 25/9/1988
*حياة الطفوله من كان المؤثر الأول بها؟
- أكيد المؤثر الأول فيها هي ام حاتم الله يخليلي ياها

*موقف من الطفوله مازال عالق في ذهنك؟
- بتذكر مرة جبت علامة سيئة بالفحص ظليت يومين عند بيت جدي متخبي هههههههههههه (محدا يضحك ولك)
*هل كان يوجد معامله مختلفه كونك ولد عن باقي اخواتك البنات؟
- لا بالعكس أنا عندي اخوة 2 توم بنت وشب وكانت المعاملة هي نفسها ما في فرق
*اليوم الدراسي الأول هل تتذكر حالك فيه؟
- بصراحة مش متذكر بس لو كنت عارف هيك النهاية ما كنت رحت هههههههههه
*عبث الطفوله كيف تصفه في بضع كلمات؟
- جميل بكل تفاصيله
*أصدقاء الطفوله هل مازلوا على تواصل؟
- البعض منهم حتى بدي اذكر اسماء ( نبراس المقت - علاء صيموعة ) هدول رفقاتي من الصف الثاني ولحد هلق رفقات ..

ع نفوان المراهقة

*أول سياره أمتلكتها في أي سن؟
- هههههههههه حلوة هالمزحة أول بسكليت حصلت عليه كنت صف رابع (هركل )

*ماهو نوع سيارتك الأولى وكيف تعلمت القياده؟
- مازدا بيك اب 1600 زراعية زرقا (طبعا الفضل بالتعلم للوالد )

*مرحلة المراهقه كيف كان تعامل الأهل فيها؟
- صعب صعب جداً ,, مراقبة وتوصيات وملاحظات ..
*غالبا مايكون الحب الأول في مرحلة المراهقه فكيف تصفه إن وجد؟
- كان بوقتها من اجمل اللحظات ولكن الآن هو من أبشع الذكريات و اتمنى لو أنساه
*إلى ماذا كنت تطمح وهل وصلت لطموحك؟
- كنت اطمح لأكون إنسان سعيد ومحبوب وقادر على صنع مستقبل راضي فيه ولحد الآن أنا راضي عن نفسي
*عنفوان المراهقه مالذي تبقى منه اليوم في ذاكرتك؟
- أنا سأبقى أعيش المراهقة حتى الرمق الأخيييييير

نظرة الرجولة

*كيف هي نظرتك للحياة اليوم؟
- نظرة واقعية و التفكير جدي والمسؤولية كبيييييرة
*كيف هي حياتك بعد الزواج وتحقيق حلم الأبوه؟
- الحقيقة بعدني ما جربت بس بس أكيد إحساس جميل
*هل وجدت حلاوة المسؤليه مابين واجباتك العملية والعائليه؟
- لازم يكون في تنسيق وفصل بين الخيارين ولكن لازم ندمج السعادة الناتجة عن الخيارين و أتوج بها عائلتي
*هل ستربي أبنائك بنفس أسلوب تربية والديك لك؟
- لا .. مش لأانو في شي غلط بتربية أهلي أو طريقة تربيتهم ولكن الزمن يتغير والآراء ووجهات النظر تختلف ولكن أكيد رح تكون الاساسيات ثابتة وبعد مية سنة مش رح تتغير
*ماأكثر مايشغلك تفكيرك في ظل مرحلة النضج؟
- كأي شاب .. أن أستطيع أؤمن مستقبلي بشكل يرضي طموحي ويسعد من حولي وبشكل خاص شريكة الحياة

آدم و حواء

*المرأه ماذا يعني وجودها في حياتك اليوم؟
- هي كل شيئ عطف الأم وملجأ الأخت و حنان الزوجة و إخلاص الصديقة
*من هي الشخصية النسائيه التي تعجبك؟
- الواثقة و الطموحة و المتفهمة و المخلصة
*من هي المرأه التي تود أن تكون قدوة لكل نساء الأرض؟
- أمي
*بعد الأخلاق الحسنة ماأكثر مايلفت انتباهك في المرأة شكلا؟
- يداها .. أكثر ما يشدني للمرأة يداها فمنهم بقدر أعرف طبيعتها شخصيتها الداخلية وربما جزء من تفكيرها
*مارأيك بالمرأه التي تشارك الرجل اهتمامته كمتابعة الرياضة وأخبارالسيارات؟
- حلوة مشاركة الآخرين اهتماماتهم .. مش غلط
*الأم والزوجة كيف ستتعامل معهما عند الخلاف؟
- أمي ثم أمي ثم أمي .. وكثير ناس راهنوني عليها وبعدني عند رهني أمي شيئ ما بساوم عليه ... لا يعني أني أتخلى عن زوجتي ولكن رح أكون متعاطف مع امي أكثر لانو الها الفضل بكل حياتي و وجودي
*خانتك حواء فأصبحت مابين المنصدم والمنتقم كيف ستكون ردة فعلك؟
- النسيان هذا أكبر جزاء الها لانها لا تستحق القبوع في ذاكرتي حتى
*بيت شعر تهديه لحوائك؟
- أهديك روحي و زاد ورد البساتين ..
و أبغاك ما يبغى يتيم الدلالي ..
أهديك قلبي وشوق كل المحبين..
يا نور عيني ويا بعد كل غالي ..
حبك بقلبي كنه اليم يا زين ..
يحرسك ربّي من عسير الليالي ..
يا محتشم يا منية الروح و العين
يا بو جبين تقول بدرٍ يلالي ..
وقعتني بحبك بلا حق يا شين ..
حبّ القلوب و زاد حب الجمالِ ..
شبيت وسط الجوف شعلة نيارين ..
باهداب عينك يا شبيه الغزالِ ..
ما بدلك بكنوز كل السلاطين ..
وبجنة الرحمن جل الجلالِ ..
*كلمة توجهها لحواء سواء كانت الأم أو الزوجة أو الأخت؟

- استمري بالعطاء .. يا ملائكة السماء











غالية انشالله أكون أبليت بلاء حسن وجاوبت إجابات حلوة تقديري لك يا غالية على الموضوع الأكثر من رائع وتحياتي للجميع

[عاشقة الزهور]

اعتذر على التاخيربالرد
؟*مكان الميلاد أين كان

مكان الميلاد:السويداء بلدي الذي اعشقه

*حياة الطفوله من كان المؤثر الأول بها؟أجمل مرحلة في حياتي أكاد لا أنسى تفصيلا منها
ليت الساعات توقفت عندها
المؤثر بها كان أخي واختي ودينا رفيقة عمري
موقف من الطفوله مازال عالق في ذهنك؟
هناك الكثير مما لايعد ولايحصى
بس مابنسى ايام توزيع الجلاء بالمدرسة كنت استنى دائما هذا اليوم مولاني الاولى بصفي كنت واثقة من هذاالشي بس لارجع عالبيت واخذ هديتي من اهلي( اكثر من هدية) صح كنت حب الهدايا بس كنت ضل خايفي عا اهلي وهن عندي اهم
كانت اختي اكبر مني دائما تقلي اطلبي شوما بدك واكتبيه على ورقة لان بابا نويل بحب الشاطرين ورح يحققلك شو ما بدك الله رح يبعتو يشوف شو بدك رحت انا وكتبتلها يا رب تخلي ماما وبابا
تاني يوم قلتلي اختي مو هيك تكتبيلو بس بابا نويل جبلك عا ذوقه وجبتلي عروس بتجنن
/هل كان يوجد معامله مختلفه لاخوانك الذكورعن البنات؟
بصراحة عنا المعاملي الاحلى للبنات يمكن لانا اشطر بالمدرسي واهدا
5/اليوم الدراسي الأول هل تتذكري حالك فيه؟
اي بتذكر منيح
كنت خايفي كتير وبعدني لهلق بخاف من الامتحان بس
بس يلي ساعدني وجود رفيقتي معي وبنفس المقعد
6/عبث الطفوله كيف تصفينه في بضع كلمات؟
هوأجمل من أن يوصف بمجرد حروف
7/أصدقاء الطفوله هل مازلوا على تواصل؟الحمد لله بعدنا سوا ومنشوف بعض صحيح مو متل الاول بس بعدنا عا تواصل
ع نفوان المراهقة

1/أول مرة تضعين ميك اب في اي سن ؟
كنت بكالوريا وطبعا شي خفيف
2/هل حآولتي أن تقودي سياره ؟
طبعا حاولت بس لمرات معدودة
بحب كتير اني سوق بس بخاف اكتر
بس رح ضل حاول لاتعلم
3/مرحلة المراهقه كيف كان تعامل الأهل فيها؟بصراحة ما بتذكر اني خليت امي بيوم توجهلي تنبيه او ملاحظة
يعني مرت كاي مرحلي
4/غالبا مايكون الحب الأول في مرحلة المراهقه فكيف تصفينه إن وجد؟
طبعا كان في الو طعم خاص لانو حب بدون تفكير كان حلو يمكن لانو وقتها كان على عمرنا بتقع مسؤولية فشلنا
5/إلى ماذا كنت تطمحين وهل وصلت لطموحك؟

طموحاتي كتيري بعدني ما وصلتلها كلها بس الحمد لله بعدني عم حاول وما رح وقف
6/عنفوان المراهقه مالذي تبقى منه اليوم في ذاكرتك؟
ضلت أجمل أيام مضيتها مع رفقاتي
أجمل دقايق مع اخوتي ونحنا صغار هاد أجمل شي فيها
نظرة الانوثة
1كيف هي نظرتك للحياة اليوم؟/
دائما بحس انو بكرة أحلى من اليوم وكل ما يضيع مني شي بقول لاتكره أمر لعله خير لك
في قلب كل شتاء ربيع يختلج ووراء نقاب كل ليل فجر يبتسم
2/كيف هي حياتك بعد الزواج وتحقيق حلم الأمومه؟
بعدني ما جربت بس اكيد الحياة رح تكون مستقرة اكتر
4/هل ستربي أبنائك بنفس أسلوب تربية والديك لك؟
اكيد اهلي ربوني احلى تربية بس اذا رح ربي ولادي رح غير ببعض الامور لانو الحياة علمتنا نكون أقوياء بس أنا رح علم ولادي هاد الشي
و موكل الناس فيها بيستاهلو كل هاد التفاني والتغاضي عن الحقوق
5/ماأكثر مايشغلك تفكيرك في ظل مرحلة النضج
يلي بيضل شاغلي بالي طموحي الكبير وكيف بدي حققو
آدم و حواء

1/الرجل ماذا يعني وجودها في حياتك اليوم؟
هو حياة لروحك ان كان رجلا وممات لها ان لم يكن كذلك
هو الملاذ عند الشدة هو الحنان عند الحزن
2/من هي الشخصية الرجاليه التي تعجبك؟
الحنون بالدرجة الاولى والواعي وهو الاهم
والمخلص كتير يعني انا عندي النضرة خيانة ومتل ما انا ما رح طلع بغيرو او حتى شوف غيرو وهو كمان لازم يكون متلي
3/من هي المرأه التي تود ين أن تكون قدوة لكل نساء الأرض
طبعاً أمي الله يخليلي اياها
4/بعد الأخلاق الحسنة ماأكثر مايلفت انتباهك في الرجل شكلا؟
بصراحة انا بهمني كتير يكون مرتب
لان المرتب بيهتم بحالو ويلي قادر يهتم بحالو بيهتم بغيرو
5/مارأيك بالرجل الذي اهتمامته كمتابعة الموضه والازياء؟
هلق مو غلط بس ما تكون اولوياتو هيك امور
6/خانك آدم فأصبحت مابين المنصدم والمنتقم كيف ستكون ردة فعلك؟
الله لايقدر وجربها بس بهيك حالي بمحيه من حياتي بكل سهولي وما بنتقم لانو رح يكون اصغر من اني حتى فكر فيه
7/بيت شعر تهديه ل آدم؟
كلمة توجهينها لآدم سواء كانت الأب او الزوج8/
أوالاخ ؟
انتو الحياة كلها
انشالله كون اتوفقت باجوبتي وشكرا لك اختي الغالية على اختياري
لك كل الحب والمودة


















*

[أنا الغالية]

كتير مميزه أجوبتك .. عزيزي حاتم
أتمنى لقلبك السعاده ..... وأن تحقق ما تتمناه
نورت .. وسعدت جداااا بوجودك معناااا
لك أأجمل باقه ورد ..




ويسعدني ويشرفني أن يكون ضيفنااااا الجديد
الأخ ... (أبو نجم )
فليتفضل مشكور ...

[أنا الغالية]

عاشقة الزهور : حروف تنساب من بين اناملك العاجيه كانها الشهد ..
بابتسامتك بين سطوري .. تنيري المكان كشعلة في قلب الظلام ,..

رائعة انت .. وحضورك هناا جداااا أسعدني ..
أأأتمنى لك حياة هادئه جميلة ... ومستقبل زاهر

تحياااتي .... ويا هلااا